تبسم فاطمہ
جتنی گولی چاہے داغ
پورا ملک ہے شاہیں باغ
نفرت کے متوالو ہم کو
اپنی صورت مت دکھلاؤ
گونج رہا ہے نعرہ پھر سے
انگریزو ، تم باہر جاؤ
تم بارود بچھانے آئے
ملک میں آگ لگانے ائے
پہلے بھی گجرات ہوا تھا
تم گجرات بنانے آئے
دھوکہ دے کر ملک ہتھیایا
اپنوں کو اپنوں سے لڑایا
چھ برسوں میں خون بہایا
چین سکوں کا کیا صفایا
جتنی گولی چاہے داغ
پورا ملک ہے شاہیں باغ
بھاگ رے ظالم اب تو بھاگ
ملک ہمارا جاگ چکا ہے
چاروں طرف طوفان بپا ہے
آزادی کے نعروں سے اب
ترا سنگھاسن ڈول رہا ہے
جتنی گولی چاہے داغ
پورا ملک ہے شاہیں باغ
ہٹلر سے کچھ سیکھا ہوتا
اتیھاس کو پلٹا ہوتا
موت کا سودا کرنے والے
سانپ زہر کو چکھا ہوتا
جتنی گولی چاہے داغ
پورا ملک ہے شاہیں باغ
بھاگ رے ظالم اب تو بھاگ
