دہلی فسادات: عدالت نے عمر خالد کی ضمانت کی درخواست پر فیصلہ محفوظ رکھا

نئی دہلی:دہلی کی ایک عدالت نے جمعرات کو جواہر لال نہرو یونیورسٹی (جے این یو) کے سابق طالب علم عمر خالد کی فروری 2020 کے دہلی فسادات کے سلسلے میں ایک بڑے سازشی کیس کے سلسلے میں ضمانت کی درخواست پر اپنا فیصلہ محفوظ کر لیا۔ایڈیشنل سیشن جج امیتابھ راوت نے کہا کہ خالد کی ضمانت کی درخواست پر حکم 14 مارچ کو سنایا جائے گا۔ملزم نے دلائل کے دوران عدالت کو بتایا کہ استغاثہ کے پاس اس کے خلاف اپنی بات ثابت کرنے کے لیے شواہد کی کمی ہے۔قابل ذکرہے کہ خالد اور کئی دیگر کے خلاف غیر قانونی سرگرمیاں (روک تھام) ایکٹ (یو اے پی اے) کے تحت مقدمہ درج کیا گیا ہے اور ان پر فروری 2020 میں فسادات کی منصوبہ بندی کرنے کا الزام ہے۔ ان فسادات میں 53 افراد ہلاک اور 700 سے زائد زخمی ہوئے تھے۔