اے ایم یو کے مونوگرام سے قرآنی آیت ہٹانے اور اردو زبان کوختم کرنے کا الزام

علی گڑھ:اے ایم یو یونین کے سابق نائب صدر حمزہ سفیان نے اے ایم یو کی مارک شیٹ میں بنائے گئے مونوگرام سے قرآنی آیت کو ہٹانے کے خلاف احتجاج کرتے ہوئے اے ایم یو انتظامیہ کے خلاف شدید آواز اٹھائی، جس کا رجسٹرار عبدالحمید نے نوٹس لیتے ہوئے ایک سرکلر آرڈر جاری کیا۔حمزہ سفیان کی پریس ریلیزمیں کہاگیاہے کہ یونیورسٹی مونوگرام، جس پر قرآنی آیت کندہ ہے، ڈگری، ڈپلومہ، سرٹیفکیٹ، فائنل ایئر مارک شیٹ، کردہ طلباء کے کریکٹر سرٹیفکیٹ، شیروانی، بیج، یونیورسٹی کا جھنڈا، عمارت، سائن بورڈ، مونوگراف، یونیورسٹی ڈائری، تھیسس وغیرہ کے لیے استعمال کیا جا سکتا ہے۔ قرآنی آیات کے بغیر مونوگرام میٹنگز کے نوٹسز، دعوتی خطوط، پمفلٹس، امتحان اور ٹیسٹ کے جوابی شیٹس، کیلنڈرز، فائل کور، پروجیکٹ اور لیبارٹری رپورٹس، امتحان اور داخلہ فارم، اور لیٹر ہیڈز وغیرہ پر استعمال کیے جائیں۔ ایسے کاغذات جو تلف ہونے والے ہیں ان میں قرآن کی آیت کو کسی قسم کی بے عزتی سے محفوظ رکھا جائے گا۔ تاہم، ایسے معاملات میں دائرے میں آیات کی جگہ 5 ستاروں والا مونوگرام استعمال کیا جا سکتا ہے۔