Home ادبیات وحشت کا عالم ہے کیسے عید منائیں

وحشت کا عالم ہے کیسے عید منائیں

by قندیل

عارفہ مسعود عنبر
مرادآباد

وحشت کا عالم ہے کیسے عید منائیں
لاشوں کا ماتم ہے کیسے عید منائیں

درد و الم کی راتیں ہیں اور بھوک کے دن ہیں
چیخوں کی سرگم ہے کیسے عید منائیں

دہشت کا منظر ہے جب بھی نظر اٹھائیں
مرنے کا بھی غم ہے کیسے عید منائیں

سڑکوں پر مزدور بہت مجبور ہوئے ہیں
ہجر کا یہ موسم ہے کیسے عید منائیں

گلے لگا کر ماں کو دل کا درد دکھائیں
آنکھ ہماری نم ہے کیسے عید منائیں

عید کے منظر کا موسم ہے سونا سونا
ویراں سب عالم ہے کیسے عید منائیں

عنبر چہرے پر  چھائی ہوئی اداسی
دل میں غم پیہم ہے کیسے عید منائیں

You may also like

Leave a Comment