Home بین الاقوامی خبریں اقوام متحدہ نے طالبان کے زیرانتظام افغانستان کے ساتھ باضابطہ تعلقات کو منظوری دے دی

اقوام متحدہ نے طالبان کے زیرانتظام افغانستان کے ساتھ باضابطہ تعلقات کو منظوری دے دی

by قندیل

کابل :اقوام متحدہ کی سلامتی کونسل نے جمعرات کو طالبان کے زیرانتظام افغانستان کے ساتھ باضابطہ تعلقات قائم کرنے کی منظوری دے دی ہے۔طالبان کو ابھی تک بین الاقوامی سطح پروسیع پیمانے پرتسلیم نہیں کیا گیا ہے۔ سلامتی کونسل میں اس ضمن میں ایک قرارداد منظورکی گئی ہے۔اس میں طالبان کا لفظ استعمال نہیں کیا گیا ہے اور افغانستان میں اقوام متحدہ کے سیاسی مشن کے نئے ایک سالہ مینڈیٹ کا ذکر کیا گیا ہے جس کے بارے میں اس نے کہا تھا کہ یہ ملک میں قیامِ امن کے لیے ’’اہم‘‘ہے۔روس نے اس قرارداد پر رائے شماری میں حصہ نہیں لیا اور کونسل کے باقی چودہ ممالک نے اس کے حق میں ووٹ دیا ہے۔اس قرارداد میں انسانی، سیاسی اور انسانی حقوق کے محاذوں پرتعاون کے متعدد عناصرشامل ہیں۔اس میں خواتین، بچّوں اور صحافیوں کے حقوق کی بھی صراحت کی گئی ہے۔ناروے کی اقوام متحدہ میں سفیرمونا جول نے، جن کے ملک نے قرارداد کا مسودہ تیار کیا تھا، رائے شماری کے بعد اے ایف پی کو بتایا کہ یو این اے ایم اے (افغانستان میں اقوام متحدہ کا مشن) کے لیے یہ نیا مینڈیٹ نہ صرف فوری انسانی اور اقتصادی بحران کے ردعمل کے لیے انتہائی اہم ہے بلکہ افغانستان میں امن واستحکام کے ہمارے اہم مقصد کے حصول کے لیے بھی اہم ہے۔جول نے کہا کہ کونسل اس نئے مینڈیٹ کے ساتھ واضح پیغام دینا چاہتی ہے کہ افغانستان میں امن واستحکام کے فروغ اورافغان عوام کی مدد کے لیے عالمی ادارے کے مشن کا اہم کردار ہے کیونکہ انھیں بے مثال چیلنجوں اورغیر یقینی صورت حال کا سامنا ہے۔

You may also like

Leave a Comment