نئی دہلی:جواہرلال نہرویونیورسٹی(جے این یو)کے سابق طالب علم عمرخالدکو22اکتوبرتک عدالتی تحویل میں بھیج دیا گیا ہے۔ عمرخالدکودہلی پولیس کے خصوصی سیل نے یو اے پی اے کے تحت گرفتار کیا ہے۔انھیں 13 ستمبر کوگرفتارکیاگیاتھااور 24 ستمبر تک 10 دن کی پولیس تحویل میں بھیج دیا گیا تھا۔اس سے قبل عدالت نے عمر خالد کی وہ درخواست مسترد کردی تھی جس میں انہوں نے پولیس تحویل کے دوران اپنے اہل خانہ سے ملنے کی اجازت طلب کی تھی۔خالدکو انسداد دہشت گردی کے سخت قانون ، غیر قانونی سرگرمیاں (روک تھام) ایکٹ کے تحت گرفتار کیا گیا ہے۔عمرخالد نے عدالت سے رجوع کیا تھا جس میں درخواست کی تھی کہ وہ اپنے اہل خانہ سے دودن 30 منٹ کی مدت کے لیے ملاقات کی اجازت دے۔عدالت نے جیل لے جانے سے اہل خانہ سے ملنے کی اجازت دی ہے۔
عمر خالد کی عدالتی تحویل 22 اکتوبر تک بڑھائی گئی،اہل خانہ سے ملنے کی اجازت
previous post