ادھو ٹھاکرے نے شرد پوارکے ساتھ میٹنگ کی

ممبئی:مہاراشٹر میں لاک ڈاؤن اورریاست کی صورت حال پرآگے کی حکمت عملی بنانے کے لیے سی ایم ادھوٹھاکرے نے این سی پی صدر شرد پوار کے ساتھ ایک میٹنگ کی۔ اس میں معیشت کو رفتار دینے سے متعلق منصوبوں کو لے کر بحث ہوئی۔میٹنگ میں شرد پوار کے علاوہ جینت پاٹل، انل دیشمکھ، راجیش ٹوپے اور آدتیہ ٹھاکرے کے علاوہ کئی سینئر افسران بھی موجودتھے۔میٹنگ میں گزشتہ 55 دنوں کے دوران محکمہ صحت کی طرف سے اٹھائے اقدامات پربحث ہوئی ہے۔ اس کے علاوہ ریاست کے نظم ونسق،مزدوروں کی نقل مکانی اور یہاں لانے کو لے کر بحث کی گئی۔ساتھ ہی ان مسائل کے اقدامات پر بھی تبادلہ خیال کیاگیاہے۔وزیراعلیٰ ادھوٹھاکرے نے ایک میٹنگ میں ریاست میں بعض مقامات پر لاک ڈاؤن کی موجودہ صورت حال اور اس کے اگلے مرحلے کی منصوبہ بندی اور مالی لین دین شروع کرنے کو لے کر بات چیت کی۔ لاک ڈاؤن کا تیسرا مرحلہ 17 مئی کو ختم ہو رہا ہے اور اگلا فیصلہ یہ دیکھنے کے بعد لیا جائے گا کہ مرکزی حکومت لاک ڈاؤن کے چوتھے مرحلے کا فیصلہ کس طرح کرتی ہے۔