Home قومی خبریں الامداد ایجوکیشنل اینڈ ویلفیئر ٹرسٹ کی سالانہ میٹنگ اختتام پذیر

الامداد ایجوکیشنل اینڈ ویلفیئر ٹرسٹ کی سالانہ میٹنگ اختتام پذیر

by قندیل

سمستی پور:(پریس ریلیز)الامداد ایجوکیشنل اینڈ ویلفیئر ٹرسٹ کے ارکان شوری کی سالانہ میٹنگ حضرت مولانا ابو قمر صاحب قاسمی کی صدارت میں جامعہ اشاعت العلوم سمستی پور کے مہمان خانہ میں منعقد ہوئی جس کا آغاز جامعہ ہٰذا کے طالب علم عبداللہ کی تلاوتِ قرآن سے ہوا اور محمد فیصل نے نعتیہ کلام پیش کیا۔

اس موقع پر مہمان خصوصی اور مشہور صحافی مولانا غفران ساجد قاسمی ڈائریکٹر بصیرت آن لائن نیوز، نےطلبہ واساتذہ اور مہمانوں کی موجودگی میں اپنے تاثرات کا اظہار کرتے ہوئے کہاکہ مدارس اسلامیہ ہمارے دین کے قلعے ہیں۔ ان کی ترقی دین کی ترقی ہے۔ اگر ہم چاہتے ہیں کہ ہماری نسلوں تک دین باقی رہے تو اپنے مدارس کی فکر کریں اور اس کے فروغ کے لیے کوشاں ہوجائیں ۔ ورنہ وہ دن دور نہیں جب ہمای نسلیں بغیر کلمہ اور نماز کے اس دنیا سے رخصت ہو جائے گی۔

مولانا رضوان قاسمی نے اس موقع پر کہا کہ آج جس طرح سے مدارس اسلامیہ کے خلاف چہارجانب سازشیں ہو رہی ہیں اور  مدارس اسلامیہ کو نیست ونابود کرنے کے لیے نت نئے ایجنڈے کو شامل کیا جارہاہے ایسے موقع پر تمام اہل علم اور اہل بصیرت کو آگے آکراپنے دینی اداروں کے بارے میں فکر کرنے کی ضرورت ہے نیز اپنے علاقوں اور محلوں میں مکاتب کے قیام کی سخت ضرورت ہے۔

اور انہوں نے علاقائی رپورٹ اور تعلیمی رپورٹ کا جائزہ لینے کے بعد جامعہ کی خدمات کا اعتراف بھی کیا ۔

میٹنگ میں ۷ ایجنڈے پر تبادلہ خیال کیا گیا اور مدرسے کی تعمیری بجٹ کو فوری طور پر منظوری دی گئی- اور غیر مستقل ممبران کی فہرست میں دو مشہور عالم دین مولانا محمد انجم صاحب (امام و خطیب صدیقی مسجد بھوئیوارہ پول، کالوپور احمد آباد) اور حضرت مولانا محمد اسجد یوسف قاضی صاحب (امام و خطیب خوبصاحب مسجد و مہتمم مدرسہ تعلیم الدین سیدپورہ سورت) کو شامل کیا گیا۔

شرکائے مجلس میں مولانا زین العابدین قاسمی بیگو سرائے، مولانا افروز قاسمی رانی پور بسیٹھا مدھوبنی، ماسٹر سید افسر اقبال دھرم پور سمستی پور، حاجی محمد اسلام تاج پور سمستی پور ، ماسٹر امتیازکرھوا، مولانا شریح، مولانا نصر اللہ قاسمی،مولانا جاوید اختر حلیمی ،مولانا محبوب عالم قاسمی ،مولانا شارق انور قاسمی، مفتی عاشق الٰہی قاسمی اور حافظ محمد فخر عالم صاحب وغیرہ کے نام قابل ذکر ہیں۔

اخیر میں مذکورہ ٹرسٹ کے سکریٹری قاری ممتاز احمد صاحب جامعی بانی و ناظم جامعہ اشاعت العلوم سمستی پور نے مہمانوں کا شکریہ ادا کیا اور صدر مجلس کی دعا پر مجلس اختتام پذیر ہوا۔

You may also like

Leave a Comment