بیجنگ: چین میں مہلک کورونا وائرس کی زد میں 1716 سے زیادہ طبی اہلکار بھی آگئے ہیں اور کورونا وائرس میں مبتلا ہونے والے لوگوں کی تعداد بڑھکر 63851 ہوگئی ہے۔ اس خطرناک وائرس سے اب تک 1483 لوگوں کی موت ہوگئی ہے۔ قومی طبی کمیشن نے یہاں پریس کانفرنس میں بتایا کہ ان میں سے چھ طبی اہلکار کی موت ہوگئی ہے، جو ملک میں اب تک ہوئی کل اموات کا 0.4 فیصد ہے۔
قومی طبی کمیشن کے مطابق 13 فروری کی آدھی رات تک 31 صوبوں سےموصول اطلاع کےمطابق کورونا وائرس کے5548 نئے معاملے سامنے آئے ہیں اور اب انفیکشن لوگوں کی تعداد بڑھکر 63851 ہوچکی ہے جس میں سے 10204 لوگوں کی حالت نازک بنی ہوئی ہے۔ اب تک 1483 لوگوں کی موت ہو چکی ہے اور 6723 لوگوں کو اسپتالوں سے چھٹی دے دی گئی ہے۔