نئی دہلی:دنیا بھر میں کروناوائرس تیزی سے بڑھ رہاہے۔بھارت سمیت سارک کے8 ممالک میں بھی حالات سنگین ہوتے جا رہے ہیں۔ان ممالک میں اب تک 178معاملات کی تصدیق ہوئی ہے۔بھارت میں سب سے زیادہ 109 معاملے سامنے آئے۔ وزیر اعظم نریندر مودی کی پہل پر اتوار کو سارک ممالک نے ویڈیو کانفرنسنگ کے ذریعے بحران پر اپنے خیالات اورتیاریاں شیئرکی گئیں۔مودی نے کہاہے کہ تیاررہیں اورباخبررہیں۔انفیکشن سے لڑنے کے لیے یہی بھارت کامنترہے۔مودی نے کہاہے کہ ڈبلیوایچ اونے وباقراردیاہے۔ ترقی پذیر ملک ہونے کی وجہ سے ہمارے سامنے بڑاچیلنج ہے۔سارک ممالک کو اس جنگ میں مل کر کام کرناچاہیے اور کامیابی حاصل کرنی چاہیے۔بھارت نے کس طرح اس وائرس سے لڑنے کا کام کیا، وہ میں نے آپ کوبتایاہے۔تیار رہنا اور پریشان نہیں ہوناہمارامنتررہاہے۔ہم نے لوگوں کو بیدار کرنے کے لیے مہم چلائی، طبی اسٹاف کوٹریننگ دی۔ہم نے بیرون ملک میں پھنسے اپنے شہریوں کا بھی خیال رکھا۔بیرون ملک میں پھنسے 1400 سے زیادہ ہندوستانیوں کو واپس لائے۔بیرون ملک میں پھنسے لوگوں کو موبائل ٹیموں کے ذریعے پہچانا اورہمیں یہ بھی پتہ چلا دوسرے ملک بھارت میں پھنسے اپنے شہریوں کو لے کر بھی فکر مندہیں۔
