پٹنہ: بہار کے وزیراعلیٰ اورجنتا دل یونائیٹڈ کے سربراہ نتیش کمار نے وزیر اعظم نریندر مودی سے قومی جمہوری اتحاد (این ڈی اے)کا ہنگامی اجلاس طلب کرنے کا مطالبہ کیا ہے۔ نتیش کمارکا کہنا ہے کہ وزیر اعظم متنازعہ امور پر اتفاق رائے کے لیے اتحادیوں کا اجلاس طلب کریں۔ انہوں نے کہاہے کہ جے ڈی یو موجودہ سیاسی صورتحال پر تبادلہ خیال کے لیے این ڈی اے کے فوری اجلاس کا مطالبہ کرتی ہے۔اس سے پہلے کل بہارکی جماعت اسلامی،جمیعة علمائ،جمیعة اہل حدیث اورامارت شرعیہ کے قائم مقام ناظم نے امیرشریعت مولانامحمدولی رحمانی کی سربراہی میں نتیش کمارملاقات کی تھی،جس میں نتیش کمارنے کسی بھی قیمت پر،چاہے بی جے پی کے ساتھ اتحادرہے یانہ رہے،این آرسی لاگونہ کرنے کے اپنے فیصلے سے آگاہ کیا،ساتھ ہی وزیراعلیٰ نے وعدہ کیاکہ این آرسی بل آنے کی صورت میں این ڈی اے کی تمام پارٹیوں کومخالفت کرنے کے لیے تیارکریں گے اورشہریت ترمیمی قانون پربی جے پی پردباؤبنانے کے لیے اپنے طورپرکوشش کریں گے۔وفدنے وزیراعلیٰ کوبہارکے مسلمانوں کے احساسات سے واقف کرایااورکہاہے کہ آپ پرکسی بھی صورت میں بھروسہ کرنامشکل ہے،جس پروزیراعلیٰ نے اپنے اقدامات کی یقین دہانی کرانی کی کوشش کی ہے۔ آپ کو بتادیں کہ جے ڈی یو نے پارلیمنٹ میں شہریت ترمیمی بل کے حق میں ووٹ دیاتھا۔ تاہم،پارٹی کے نائب صدر پرشانت کشورکے شہریت کے قانون اور این آر سی کی مخالفت کرنے کے بعد بہار کی سیاست میں ہلچل بڑھ گئی۔ انہوں نے جے ڈی یو کی پارلیمنٹ میں شہریت کے قانون کی حمایت کی مخالفت کی۔پٹنہ میں وزیراعلیٰ سے ملاقات کے بعد ، پرشانت کشور نے کہا تھا کہ نتیش کمار این آر سی کے خلاف ہیں۔ تب پرشانت کشور نے واضح طور پر کہا تھا کہ سی اے اے کو این آر سی سے جوڑنے سے دشواری میں اضافہ ہوگا۔ کشور نے اس وقت کہا تھا کہ نتیش نے وعدہ کیا ہے کہ بہار میں این آر سی لاگو نہیں ہوگا۔اس کے بعد ، سی ایم نتیش کمار نے بہارمیں این آرسی کے نافذنہ کرنے اعلان کیا۔جنتا دل (یونائیٹڈ) کے سربراہ نتیش کمار ، جو شہریت ترمیمی قانون (سی اے اے) کی حمایت کر رہے ہیں، نے جمعہ کے روز پٹنہ میں صحافیوں کو بتایا کہ بہار میں این آر سی کا اطلاق نہیں ہوگا۔
