نئی دہلی:ہفتے کے روزمرکزی وزیر تجارت وصنعت پیوش گوئل نے کہاہے کہ ہندوستان میں بہت سے شعبوں میں عالمی لیڈربننے کی صلاحیت ہے۔ بس اس کے لیے مینوفیکچرنگ کی بڑھتی ہوئی سرگرمیوں کی ضرورت ہے۔ گوئل ایکزم بینک کے زیراہتمام ایک ویبنارسے خطاب کر رہے تھے۔ مرکزی وزیرنے کہاہے کہ عالمی سطح پرمسابقت کی صلاحیت رکھنے والے شعبوں کی نشاندہی کرناہوگی۔مرکزی وزیرنے کہاہے کہ ہمیں برآمدات اور گھریلو شعبوں کے لیے مصنوعات کو الگ کرنے کی ضرورت نہیں ہے۔ ہمیں اچھے معیار ، ٹکنالوجی اورپیمانے کی ضرورت ہے۔اس کے لیے موجودہ وقت میں مددکی ضرورت پڑسکتی ہے۔انہوں نے کہاہے کہ اگر ہماری مصنوعات اچھی اور مسابقتی قیمت کی ہیں تو یقینا برآمدات میں اضافہ ہوگا۔ مرکزی وزیرنے کہاہے کہ صنعتو ں کو ہمیشہ یہ توقع نہیں کرنی چاہیے کہ سبسڈی ہی واحد حل ہے۔آزاد تجارت کے معاہدے (ایف ٹی اے)کے بارے میں بات کرتے ہوئے مرکزی وزیرنے کہاہے کہ ہم بڑی منڈیوں والی ترقی یافتہ مارکیٹوں کے ساتھ اس طرح کے معاہدے کر رہے ہیں۔ چلی اور پیروجیسے ممالک اس میں شامل نہیں ہیں۔ گوئل نے کہاہے کہ ہندوستان یقینی طورپرعالمی سپلائی چین کا ایک حصہ اور قابل اعتماد شراکت دار بن سکتا ہے۔پیداواری صلاحیت،پیمانے اوراچھی ای مینوفیکچرنگ پریکٹس میں اضافہ وقت کی ضرورت ہے۔
