مندی

احمدبن نذر
جھوٹی کرسی،جھوٹے بھاشن، جھوٹوں کی سرکار پہ لعنت
جھوٹے اینکر،جھوٹے چینل،جھوٹے ہر اخبار پہ لعنت

جھوٹے وعدے،جھوٹی قسمیں،جھوٹی ہر گفتار پہ لعنت
جھوٹوں کی منڈی پہ تھو ہے،جھوٹے کاروبار پہ لعنت

جھوٹے قصّے،جھوٹی باتیں،جھوٹے ہر کردار پہ لعنت
جھوٹوں کی مجلس میں بیٹھے جھوٹوں کے سردار پہ لعنت

جھوٹے سجدے،جھوٹے روزے،جھوٹے ہر افطار پہ لعنت
جھوٹے جبّے،جھوٹی رِیشیں،جھوٹی ہر دستارپہ لعنت

جھوٹے حاکم،جھوٹے منصف،جھوٹے ہر دربار پہ لعنت
جھوٹوں کو جو سچ ٹھہرائیں،ایسے سب اشعار پہ لعنت