سیکولرزم

عصری سیاست،خودغرضی اورمفادپرستی کانام ہے۔بے اصولی،سیاست کاہنرہے۔اصول کے ساتھ سیاست نہیں ہوسکتی۔جوجتنابڑاخودغرض اورمفادپرست ہوگا،اتناماہرسیاست داں سمجھاجائے گا۔ دن گئے کہ لوگ سیاسی نظریات کی بنیادپرکسی پارٹی سے وابستہ ہوتے تھے،اب کوئی لیڈرکانگریس میں ہے توضروری نہیں کہ وہ ’کانگریسی‘ہو،کشتی ڈوبتی دیکھ کر’ملاح‘سفینہ بدل لیتے ہیں۔بات مسلم نمائندگی کی ہویاسیکولرزم کی سیاست کی تواس حمام میں سب یکساں ہیں۔کانگریس کی صف اول میں غلام نبی آزاد،احمدپٹیل،کے رحمن خان،سلمان خورشید اور طارق انورنظرآتے ہیں لیکن دوسری ،تیسری صف مسلم لیڈرشپ سے خالی ہے۔ کانگریس ہندونازبرداری کی سیاست پرگامزن ہے۔سخت گیرہندوتواکامقابلہ نرم ہندوتواسے نہیں کیاجاسکتا۔ملک کی سیاست اسی سمت چل پڑی ہے جدھرکی ہواہے۔ مسلم قیادت کسی پارٹی میں ہوتی ہے تو’سیکولر‘ہوتی ہے اورذرابے اعتنائی ہوئی،’مسلمان‘ہوجاتی ہے(یہی سب کچھ غلام نبی آزادکے معاملے میں دیکھنے میں آیا)جس طرح سیکولرپارٹیاں مفادات پرضرب لگتی دیکھ کرسیکولرزم کاراگ الاپناشروع کردیتی ہیں ۔مظفرنگرفسادات میں ایس پی حکومت کاکرداردیکھ لیجیے اوراب اس کاراگ سن لیجیے۔
بہارکاسیاسی منظرنامہ ہردن بدل رہاہے۔وفاداریاں اوربے وفائیاں انتخابی موسم کی روایتی چیزیں ہیں۔کوئی فرق نہیں پڑتاکہ کون کس طرف جارہاہے۔کشواہامودی سرکارمیں وزیررہے ہیں،لوک سبھاالیکشن میں ’سیکولر‘ہوگئے،اب وہ بیچ بیچ میں ہیں۔لوجپاکو’مودی سے بیرنہیں‘۔جیتن رام مانجھی ’اپمان ‘سہنے کے بعد پھرمحسن کی گودمیں بیٹھ گئے۔نتیش کمارنے مودی کی وزیراعظم کے طورپرنامزدگی کی مخالفت میں این ڈی اے کوچھوڑا،اب وہی ساتھ مل کر’وکاس ‘کی گنگابہانے کوتیارہیں۔اندازہ درست ہے کہ نتیش کمارکوکمزورکرنے کے لیے لوجپاکومیدان میں اتاراگیاہے۔لوک سبھاالیکشن میں بی جے پی کی بہترین کارکردگی(گرچہ وہ تیجسوی یادوکی حماقت سے کیوں نہ ہو)کے بعدریاستی اکائی کی طرف سے بی جے پی کو’آتم نربھر‘بنانے کی آوازاٹھنے لگی ۔لیکن فی الحال نتیش کے ساتھ الیکشن لڑنابی جے پی کی مجبوری ہے ۔چنانچہ برابرسیٹوں پراتفاق ہواکہ بی جے پی اپنے کوٹے سے لوجپاکونشست دے گی،اورجدیو،مانجھی کی ’ہم‘ کوسیٹ دے گی۔مانجھی چھے سات پرمان جاتے(جیساکہ ہوا،گرچہ چاران کے پریوارکے امیدوار ہیں،لیکن نتیش کمار’پریوارواد‘سے لڑرہے ہیں؟)اورپچیس تیس سیٹیں لوجپاکودینے کی صورت میں بی جے پی کے پاس نشستیں،جدیوسے کافی کم ہوجاتیں۔یہ صورت حال بی جے پی کے لیے ناقابل برداشت تھی ۔ لوجپاکوپہلے باہرکیاگیاتاکہ زیادہ سیٹیں نہ دینی پڑیں اورسہنی کواندرلیاگیاتاکہ کم سیٹ پرکام چل جائے اورجدیوکے ساتھ نشستوں اورووٹ بینک کاتوازن ٹھیک ٹھاک رہے۔پھرجدیوکے ووٹ میں سیندھ لگانے کے لیے لوجپاکواتاردیاگیا۔بی جے پی دونوں ہاتھوں میں لڈورکھناچاہتی ہے۔یعنی اگربی جے پی کی سیٹیں جدیوسے زیادہ آئیں تووہ اپنے وزیراعلیٰ کی دعوے داری ٹھوکے گی اور لوجپااورچھوٹی چھوٹی پارٹیوں اورآزادامیدواروں کی مددسے سرکاربناسکتی ہے۔آخرچراغ پاسوان کی امت شاہ اورجے پی نڈاکے ساتھ کئی میٹنگوں میں اورکیابات ہوئی ہوگی؟
’انترآتما‘کاحال تونہیں معلوم ،لیکن نتیش کمارکے لیے یہ صورت حال انتہائی شرمناک تھی،ان کی مجبوری ہے کہ مزدروں کی بے بسی،لاک ڈائون کی تباہ کاری،بے روزگاری اورسیلاب پرجدیوکے پاس جواب نہیں ہے چنانچہ پناہ لیناضروری ہے۔انتخابی ہنگاموں میں ’وکاس‘اورخصوصی ریاست کامدعانہیں رہے گا،البتہ رام مندر،دفعہ۳۷۰،سی اے اے کی آڑمیں چھپنے کاموقعہ مل جائے گا۔زمین کھسکتی دیکھ کرنتیش کمارنے بی جے پی کوآنکھ دکھائی۔خبرگرم ہے کہ وہ این ڈی اے کی پریس کانفرنس میں آنے کوتیارنہیں تھے ،بی جے پی کوصفائی دینی پڑی کہ’کرسی‘،کمارکے پاس رہے گی لیکن جنھیں ۲۱دن میں کوروناختم ہونے،جی ایس ٹی سے صر ف ایک ٹیکس لگنے اورنوٹ بندی سے کالادھن آنے پریقین نہیں ہے،انھیں اس وعدے پراعتمادنہیں ہے۔خودنتیش کمارکوبھی نہیں۔آخرابھی تک کھل کراعلان کیوںنہیں کیاگیاہے کہ لوجپاکواین ڈی اے سے باہرکردیاگیا؟اب لوجپاکے سیمبل پرآرایس ایس کے پرچارک سمیت بی جے پی کے متعددلیڈران اتارے گئے ہیں،بہانہ ٹکٹ نہ ملنے کاہے۔کہاجاسکتاہے کہ جدیوکی اصل حریف ، خودبی جے پی ہے۔نتیش کماریقیناََ اس کھیل کوسمجھ رہے ہیں۔ان کے ذہن میں’مہاراشٹر‘ ماڈل ہوگا۔وہ آسانی سے ’کرسی‘ نہیں چھوڑسکتے۔ویسے بھی کانگریس کے تئیں ان کارویہ نرم رہاہے اورراہل گاندھی کولالویادوکے مقابلے،نتیش کمارپسندہیں۔’سیکولر‘ثابت کرکے لیے کہاجارہاہے کہ بی جے پی ،نتیش کمارسے اپنے ایجنڈے پرکام نہیں کراپارہی ہے،اس لیے وہ انھیں ہٹاناچاہتی ہے۔ایسانہیں ہے، نتیش کمارنے کب بی جے پی کے ایجنڈے میں مددنہیں کی ہے؟اردوپربہارسرکارنے بڑاحملہ کیا،سی اے اے پرجدیونے ووٹ دیا،ماب لنچنگ ہوتی رہی،فرقہ ورانہ تشددسے کون واقف نہیں ہے؟بی جے پی کامقصداپناوزیراعلیٰ بناکرخودکفیل ہوناہے ۔اسے طنزسنناپڑتاہے کہ بہارمیں بی جے پی ’آتم نربھر‘نہیں ہے۔
تجزیہ کریں تولوجپاکے الگ ہونے سے پہلے این ڈی اے کی پوزیشن مضبوط تھی۔اب این ڈی اے میں بی جے پی مضبوط ہے،جدیوکمزورہوئی ہے۔ کمزوری کافائدہ اٹھاکرنتیش کمارکووزیراعلیٰ بننے سے روکاجائے گاتوجدیوکے جومسلم لیڈران نتیش کمارکے مبینہ’سیکولرچہرے‘پرووٹ مانگ رہے تھے،انھیں سوچناچاہیے۔این ڈی اے میں وزیراعلیٰ کاچہرہ اب غیرواضح ہے۔اسی لیے مسلمانوں کوجھانسے میں نہیں آناہے۔انھیں اپناایشونہیں چھوڑناہوگا،اردوپربہارسرکارکے حملے کویادرکھناہوگا،سی اے اے پرجدیوکی ووٹنگ نہیں بھولنی ہے۔کیوں کہ اگرجدیوکوووٹ دیاتوپیغام جائے گاکہ مسلمانوں کے ساتھ کچھ بھی کرلو،یہ قوم بھول جاتی ہے۔اس سے فرقہ پرستوں کوحوصلہ ملے گا۔بھول جانے کی یہی روایت بڑی بھول رہی ہے۔سوال معقول ہے کہ پھرکسے ووٹ دیاجائے؟متبادل کون ہے ؟(یہ سوال لوک سبھاالیکشن میں بھی پھیلایاجاتاہے کہ مودی نہیں توکون؟) سوال کاجواب اس وقت آسان ہوگاجب پہلے یہ طے کرلیں کہ کسے ووٹ نہیں دیناہے۔ حکمت عملی ہونی چاہیے کہ این ڈی اے کاکوئی امیدوارہو،ہرگزایک ووٹ نہ جائے(کچھ لوگ کہیں گے کہ جدیوکے مسلم امیدواروں کوجتایے،ان سے سوال ہے کہ مسلم ایم ایل اے نے اردوکی لازمیت ختم کرنے،سی اے اے پرووٹنگ،فرقہ ورانہ تشددپرکیااقدام کیا؟)اسی طرح چھوٹے چھوٹے ’موسمی گٹھ بندھن‘ بنے ہیں،ان کے چکرمیں ووٹ نہیں بربادکرنے چاہئیں۔مان کرچلیے،مقابلہ این ڈی اے بنام یوپی اے ہے،مہاگٹھ بندھن کمزورتھا،اوراین ڈی اے مضبوط تھا،اب این ڈی اے جزوی طورپر کمزورہواہے اورمہاگٹھ بندھن میں لیفٹ پارٹیوں کی انٹری کے بعدمضبوطی آئی ہے۔ہرسیٹ پرکچھ نہ کچھ ووٹ لیفٹ کاہے۔رہی بات کشواہا،مانجھی اورسہنی کے جانے کی تویہ لوگ گزشتہ الیکشن میں بھی یوپی اے میں نہیں تھے(بلکہ دواین ڈی اے میں تھے)لوک سبھاالیکشن میں سہنی خودنہیں جیت پائے۔پیروپیگنڈہ پھیلاجارہاہے کہ اپوزیشن کمزورہے۔یہ خاص انتخابی پلاننگ ہوتی ہے جیساکہ نیوزچینلزاوپنین پول کے ذریعے ماحول بناتے ہیں۔
اویسی،کشواہا،دیویندریادواورمایاوتی کاالائنس سامنے آیاہے۔مایاوتی جنھیں ہرذی شعوربی جے پی سے قریب پاتاہے،سے اویسی کااتحادکئی سوال کھڑے کررہاہے۔لکھ کررکھ لیجیے کہ مجلس کوکشواہابرادری،یادواوردلت کاووٹ نہیں ملے گا۔بہارمیں ذات پات پرووٹنگ ہوتی ہے لیکن مسلمان اورخاص کرمسلم پارٹی کے تئیں وہ ’ہندو‘ہوجائیں گے۔مسلمان ہرگزیہ غلطی نہ کریں کہ اس الائنس کی وجہ سے جوش میں اپنے ووٹ رالوسپا(کشواہا)یابی ایس پی کودے دیں۔ اتحادسے بی ایس پی ،رالوسپاکافائدہ توہے،مجلس کاکوئی فائدہ نہیں ہے۔ضرورت پڑی توکشواہاآسانی سے این ڈی اے میں چلے جائیں گے(جیساکہ گٹھ بندھن سے نکلنے کے بعدجانے کوبے تاب تھے)مایاوتی راجستھان کابدلہ لینے کے لیے پریشان ہیں۔اس الائنس سے متعلق منصوبہ ہوناچاہیے کہ جہاں رالوسپا،بی ایس پی کے امیدوارہوں گے وہاں انھیں ووٹ نہیں کریں گے اورجہاں مجلس کے امیدوارہوں گے وہاں جیتنے والے مجلس کے امیدوارکوجتائیں گے۔دوسری بات کہ مجلس اگرزیادہ سیٹوں پرلڑتی ہے تومزیدتجربہ کرنے کی ضرورت نہیں ہے،اس سے بی جے پی کوفائدہ ہوگا،ہاں دس سیٹیں منتخب کرلی جائیں،ان منتخب سیٹوں پرمجلس کوووٹ دیاجائے،مثلاََاخترالایمان،قمرالہدیٰ کی نشستیں۔مجلس اگرپانچ سات سیٹیں بھی لاتی ہے توبڑی کامیابی ہوگی،تیجسوی کی ایٹھن ٹھیک کرنے کے لیے مجلس کاکچھ سیٹوں پرجیتناضروری ہے۔سچ ہے کہ راجدکی پالیسی سطحی رہی ہے۔وہ یادوکی نازبرداری کرتی رہی ، چاہے ٹکٹ کی تقسیم ہویاوزارت میں نمائندگی دینی ہو۔بہار میں یادوآبادی ،مسلمانوں کے قریب قریب ہے(یادرہے کہ لوک سبھاالیکشن میں یادو نے راجدکودھوکہ دیا)جب ٹکٹ نہیں دیں گے توکہاں سے مسلم نمائندگی ہوگی۔ ۲۰۰۰ میں یادوممبران اسمبلی کی تعداد۶۴تھی اور۲۰مسلمان کامیاب ہوئے،۲۰۰۵ میں۵۴ یادوممبران ،اسمبلی پہونچے جب کہ صرف ۱۶مسلمان جیتے اور پھر۲۰۱۰ میں لالوکی برادری کی تعداد۳۹ ہوگئی،اس الیکشن میں صرف ۱۹مسلم ممبران اسمبلی کامیاب ہوئے پھر۲۰۱۵میں یادوئوں کی تعداد بڑھ کر۶۱ ہوگئی۔جب کہ ۲۴مسلمان کامیاب ہوئے،جن میں ۱۲آرجے ڈی،۶کانگریس،۵جے ڈی یواورایک سی پی آئی سے تھے۔۲۰۱۵ کے اسمبلی الیکشن میں آرجے ڈی نے ۱۰۱ سیٹوں میں ۴۸ نشستوں پر یادوؤں کو ٹکٹ دیاتھا۔ان میں سے ۴۲ فاتح ہوئے۔ابھی بھی تیجسوی یہی کررہے ہیں۔جدیو نے بھی ایک سوپندرہ میں صرف گیارہ مسلم امیدوار اتارے ہیں-ہوسکتاہے کہ یادوئوں کوزیادہ ٹکٹ دینابہارکے تناظرمیں ہرپارٹی کی مجبوری رہی ہو،لیکن جس طرح اتنے کم مسلم امیدواراتارے جاتے ہیں،اس سے سیکولرپارٹیوں پرسوال بجاہے۔سچ ہے کہ لالویادونے بھی ہمیشہ مسلم سیاسی لیڈرشپ کودبایاہے۔اس لیے احتساب ہوتے رہناچاہیے،کمی یہ رہی کہ ہم نے سوال نہیں پوچھا،ان کااحتساب نہیں کیا۔ووٹ دیں،احتساب بھی کریں،بھارت کی سیاست میں ریاستی سطح پرپریشرگروپ، مسلم پارٹی سے زیادہ اہم ہیں۔فی الحال فرقہ پرستوں کواقتدارسے روکنے کے لیے ہوش سے کام لینے کی ضرورت ہے ۔ہوسکتاہے کہ آپ کے علاقے میں گٹھ بندھن نے جسے ٹکٹ دیاہو،اس کے مقابلے جدیوکاامیدواراچھاہو،لیکن اپنے علاقوں اورذاتی تعلقات کی بجائے پوری ریاست اورملک کی صورت حال کودیکھناچاہیے۔اگرہرعلاقہ کے لوگ یہی دیکھتے رہے توسوچیے، نتائج کیاہوں گے ۔
خلاصہ یہ کہ پہلے طے کرلیں کہ ووٹ کسے نہیں دیناہے ،پھریہ سمجھناآسان ہوگاکہ کسے دیناہے ۔علاقائی پارٹیوں(جیسے رالوسپا،لوجپا،چندرشیکھرکی آزادسماج پارٹی،پرکاش امبیڈکرکی وی بی اے ،پپویادوکی جن ادھیکارپارٹی،بی ایس پی)کے چکرمیں ہرگزنہ پڑیں،چاہے جتنااچھاامیدواریاشیریں زبان لیڈرہو۔ورنہ ووٹ تقسیم ہوگا،اگراس حکمت عملی پرچلاجائے تومقابلہ آمنے سامنے کاہوگا۔جہاں سہ رخی مقابلہ ہوا،این ڈی اے بازی لے جائے گا،مقابلہ سہ رخی ہونے نہیں دیناہے،بی جے پی کی بھرپورکوشش یہی ہے۔اس کے بعداین ڈی اے امیدوارکوہرانے والے امیدوارپرتوجہ دی جائے۔کانگریس،راجدیالیفٹ پارٹیوں کاکوئی امیدوارہو،اسے ووٹ دیں،علاقے کے پسندکے امیدواریاذاتی تعلقات کودیکھیں گے توتقسیم کااندیشہ ہے،ملک اورریاست کی سمت اورسیاست کودیکھیں۔ہاں اپنی موجودگی اورسیکولرپارٹیوں کواحساس دلانا ضروری ہے ،اس لیے مجلس کی صرف دس سیٹوں کاانتخاب کرلیں۔اس سے زیادہ پرتجربہ مضرہوگا۔ویسے بھی اپنے گھراورگڑھ تلنگانہ میں وہ سات آٹھ سیٹوں پرلڑتی ہے۔عوام کو اورخودمجلس کوبھی تلنگانہ ماڈل اپناناچاہیے۔جوش میں ہوش نہیں کھوناہے بلکہ تقسیم سے بچتے ہوئے بیچ کی راہ نکالنی ہے۔بہارنے ہمیشہ ہوش کوسنبھالے رکھاہے،یہ مٹی سیاسی سوجھ بوجھ کے لیے اپنی پہچان رکھتی ہے۔

(معاون ناظم امارت شرعیہ پٹنہ)
گذشتہ چندسالوں کے دوران ہمارے ملک میں نفرت و تعصب نے پنجے گاڑ دیے ہیں،جس کے نتیجے میں فرقہ واریت کی آگ نے مختلف ریاستوں کو جھلساکر رکھ دیا ہے۔مذہبی رواداری اور بھائی چارہ کا انوکھا اور بے مثال ملک بھارت رفتہ رفتہ شدت پسندوں کاشکار ہو تا جا رہا ہے، کرسی اور اقتدار کی بے انتہا ہوس نے ایک خاص جماعت کو ایسا اندھا کر دیا ہے، جس نے روادا ری کی جگہ تشدد، پریم کی جگہ نفرت، پھول کی جگہ کانٹے اورملک کے شہریوں کے دلوں میں دوسرے شہریوں کے تئیں محبت و دوستی کے بجائے دشمنی و عداوت پیداکرنے کاظالمانہ کام انجام دیا ہے۔ ایسی سیاست کا بُر ا ہو، جس نے ملک کے امن و امان اور ا س کی صدیوں پرانی قومی یکجہتی کو صرف اپنے ذاتی مفاد کے لیے پامال کر رکھا ہے، کب اور کس جگہ زہریلی ہوا اور نفرت کی فضا چھا جائے،کہنا مشکل ہے۔ جو ملک کی موجودہ صورت حال ہے، اسے دیکھ کر کسی طرح یقین نہیں آتاکہ یہ مہاتمابودھ، شری مہاویر جین، گرو نانک، خواجہ معین الدین چشتی ؒ اور ان جیسے سیکڑوں محبت اور انسانیت کے علم برداروں کا وہی ملک ہے، جس کی مقدس زمین پر انہوں نے بھائی چارہ وانسانی رواداری کا درس دیا تھا۔ خیر ابھی بھی اس سر زمین پر انسانیت کے داعی، اخوت و بھائی چارے کے علم بردار، قومی یکجہتی کے نقیب اور گنگا جمنی تہذیب کے نمائندہ افرادو جماعتیں زندہ ہیں، جن کے دم سے اس گلستاں میں زندگی کا رنگ و بو اور اس چمن کی آبرو باقی ہے،انہیں میں ملک کی ایک عظیم سو سالہ پرانی تنظیم ”امارت شرعیہ بہار،اڈیشہ وجھارکھنڈ“ ہے، جو پورے ملک میں اپنے دوسرے ملی و اجتماعی کارناموں کے ساتھ انسانیت نوازی اور خدمت خلق کے میدان میں بھی ممتاز ہے، ملک کی صف اول کے اس عالی شان ادارے نے جہاں جنگ آزادی میں نمایاں قربانیاں پیش کیں، وہیں آزادی کے بعد سے آج تک مسلسل ملک کی سا لمیت،قومی یگانگت، انسانی ہمدردی، سماجی بھائی چارہ، مذہبی رواداری اور فرقہ وارنہ ہم آہنگی کو برقرار رکھنے کے لیے روشن و تابناک خدمات انجام دی ہیں جو لائق ستائش بھی ہیں اور قابل تقلید بھی۔
اس طویل ترین سفر میں ملک اور اس کی ریاستوں نے نہ جانے کتنی کروٹیں لی ہیں اور حالات نے کتنی نزاکتیں پیدا کی ہیں، سیاسی موجوں نے بارہا ملک کے پرسکون حالات میں تلاطم و اضطراب پیدا کرنے کی ناپاک کوششیں کی ہیں، جن کا شمار نہیں، مگر ہر دوراور ہر حال میں امارت شرعیہ کے اکابر و ذمہ داران نے ملک کی سماجی ساکھ اور اس کے تہذیبی وقار کو بچانے کا بے مثال کارنامہ انجام دیا ہے۔ جب بھی نفرت کے سوداگروں نے انسانی جانوں کا سودا کرنا چاہا تو اس تنظیم کے رہنماؤں نے آگے بڑھ کر ان کے ظالم ہاتھوں کو جرأت مندی اور پامردی سے روکنے کا کام سرا نجام دیا ہے۔جب بھی ظالموں نے ظلم و ستم کا بازار گرم کرنا چاہا تو اس ادارہ نے پوری قوت سے ان کے گریبان کو پکڑا ہے اور بروقت ایسے عناصر کے خاتمے کی کوشش کی ہے، اس تنظیم کا امتیازی وصف رہا ہے کہ جب نازک وقت میں اچھے اچھوں کی زبانیں حکومت وقت کے سامنے خاموش تھیں تو اس کے اکابرین وقت کے حکمرانوں کی آنکھوں میں آنکھیں ڈال کر دلیرانہ مکالمہ فرما رہے تھے اور ملک کی سالمیت و تحفظ کا فریضہ ادا کررہے تھے، جب وقت کی بر سر اقتدار حکومت اپنی ناکامی کاالزام ملک کی معصوم عوام کے سر تھوپ رہی تھی تو تاریخ شاہد ہے کہ اس ادارہ کے غیور و بے باک رہنما چوتھے امیر شریعت حضرت مولانا سید شاہ منت اللہ رحمانی نور اللہ مرقدہ نے حکومت کو للکارتے ہوئے اس کے فرائض منصبی یاد دلائے۔
الحاصل امارت شرعیہ نے اپنے پہلے ہی دن سے ملک کی قومی یکجہتی اور فرقہ وارانہ ہم آہنگی کو اپنا موضوع بنا کرایک ایسی عظیم خدمت انجام دی ہے، جس کی مثال آزاد ہندوستان میں ملنی مشکل ہے۔ اس سلسلہ میں امارت شرعیہ کا طریقہئ کار نہایت مؤثر اور عملی ہے، اس کے نمائندوں سے متعلقہ تین ریاستوں؛بہار، اڈیشہ و جھارکھنڈ میں کوئی مسلم بستی خالی نہیں ہے، ہزاروں اور لاکھوں کی تعداد میں اس کے نمائندے اور نقیب ہیں، جو رضاکارانہ طور پر سماجی اور رفاہی خدمات انجام دیتے ہیں۔انسانی بنیادوں پر بے لوث ہو کر کام انجام دیناان کی پہچان ہے،در اصل امارت شرعیہ کے ضابطہ کی پہلی سطر انسانیت کی فلاح وبہبود پر مشتمل ہے، جس سے اصلاح و درستگی، ملکی خیر سگالی، باہمی اخوت و محبت، سماجی بھائی چارہ اور بے شمار خیر و بھلائی کے سوتے پھوٹتے ہیں،اگر اس مخلص انسانی ادارے کی یہی ایک بات سچائی کے ترازو میں تولی جائے تو ملک کی ان گنت مقامی و قومی سیاسی جماعتوں کی کم مائیگی اور ہلکا پن روشن سورج کی طرح سامنے آجائے گا۔اگر صحیح طور پر جائزہ لیا جائے تو در حقیقت امارت شرعیہ نے ان سیاسی تنظیموں کو موقع بہ موقع سماجی و انسانی خدمت، ملکی ثقافت، باہمی محبت اور فکر انسانیت کا سبق پڑھایا ہے اور جب بھی وہ بے راہ روی کا شکار ہوئی ہیں تو ان کی صحیح سمت میں رہنمائی کی ہے۔
مفاد پرست، تشدد پسند اورمذہبی سیاست کے نتیجے میں چند دہائیوں سے جس طرح آئے دن مذہبی منافرت اور فرقہ واریت کا انسانیت سوز کھیل کھیلا جا رہا ہے اور ملک کی قدیم سماجی محبت و یگانگت کا خاتمہ کیا جا رہا ہے، یہ پورے ملک کے لیے انتہائی تشویش کا موضوع ہے۔ خاص کر موجودہ بر سر اقتدار جماعت کے دورحکومت میں اکثریتی فرقے کی جانب سے اقلیتوں پر بڑی زیادتی ہورہی ہے۔اس دوران فرقہ وارانہ چھوٹے بڑے اتنے واقعات رونماہوئے ہیں جن کا شمار مشکل ہے، ان میں سیکڑوں جانوں اور اربوں کے اثاثے کا نقصان ہوا۔ رواں مہینے (اگست۰۲۰۲ء) کی پانچ تاریخ کو صدیوں پرانی بابری مسجد کی جگہ اور ایودھیا میں متنازع اراضی پر سپریم کورٹ کے فیصلے کے بعدپوری شان و شوکت سے رام مندر کی تقریب سنگ بنیاد میں جب سے بھومی پوجن کیا گیا ہے،اس کے بعد خصوصیت سے ریاست بہارمیں فرقہ وارانہ کشیدگی کانہ ختم ہونے والاسلسلہ شروع ہو گیا ہے، دربھنگہ، سیتا مڑھی، جموئی، مظفر پور، مشرقی چمپارن، مدھوبنی وغیرہ اضلاع کے کئی علاقوں میں تسلسل کے ساتھ فرقہ وارانہ کشیدگی پیدا ہو چکی ہے، جو اب بھی بعض خطوں میں رہ رہ کر سر ابھاررہی ہے، اس سے صاف پتہ چلتا ہے کہ اکثریتی فرقہ کے حوصلے کافی بلند ہو گئے ہیں، بہار کا اسمبلی الیکشن بھی مدنظر ہے،تاکہ اس کے نتائج حسب خواہ ظاہر ہوں، اور خاص نقطہئ نظر سے مختلف طبقوں میں بکھرے ووٹوں کا پولرائزیشن کیا جا سکے۔ بلوائیوں اور فتنہ پروروں کوفقط ہلکا سا شیرہ ملنا چاہئے، چھوٹی چھوٹی ناقابل توجہ اور معمولی باتوں کو بھی بڑی کشیدگی کا عنوان بنا دیا جارہا ہے، جس سے حکومت و انتظامیہ کو بھی شدید پریشانی لاحق ہے، لا ء اینڈآرڈر اور اخلاقی ضابطوں کی سر عام دھجیاں اڑائی جارہی ہیں، لمحوں میں پورا کا پورا خطہ اور علاقہ کا علاقہ امن و امان سے محروم ہو کر خطرے میں گھر جا رہا ہے، ایسے برے اور نازک وقت میں جب امارت شرعیہ پھلواری شریف، پٹنہ کے مرکزی دفتر سے اس کے مقامی نقیب یا منتخب صدر و سکریٹری رابطہ کرتے ہیں تو امارت شرعیہ بے چین ہو کر حکومت بہار اور اس کے اعلیٰ حکام و افسران سے فوری کارروائی کا تقاضہ کرتی ہے، پھرجلد از جلد ریاستی ذمہ داران ضلع انتظامیہ کوجائے واردات پر بھیج کر حالات کو قابو میں لانے کا انسانی فریضہ انجام دیتے ہیں،جس میں امارت شرعیہ کورات ودن ایک کرناپڑتا ہے،جس کا سلسلہ اب بھی جاری ہے۔
زمینی سطح پر امارت شرعیہ کی تنظیم اتنی مستحکم اور فعال ہے کہ اکثر اوقات حکومت کو اس طرح سے پیش آنے والے واقعات کا پہلے سے علم نہیں ہوتا، بسا اوقات تھانہ اور ضلعی افسران کو بھی امارت شرعیہ کے ذریعہ ہی اطلاع ملتی ہے۔ اس طرح کے تما م واقعات و حادثات پراس ادارہ کی شروع سے آج تک بڑی گہری اور حساس نظر رہی ہے، بروقت واقعات وحالات کاصحیح ادراک کرکے مقامی سطح سے مرکزی سطح تک اپنے ذمہ داران وکارکنان کے ذریعہ حالات کو معمول پر لانے اور فرقہ وارانہ ہم آہنگی قائم کرنے میں امارت شرعیہ کا اولین کردار رہا ہے۔ اس طرح کے مواقع پر امارت شرعیہ حتی الامکان پوری جد و جہدکرتی ہے اور اپنی ساری توانائی صرف کر دیتی ہے، پل پل کی خبر لینا، ضرورت کے مطابق جائے واردات پر پولیس فورس کی تعیناتی کے لیے حکومت سے تاکید کرنا، امن کمیٹی تشکیل دینا، پھر ان کے ذریعہ دونوں طرف کے فرقوں سے امن و امان کی بحالی کی درخواست کرنا، ظالموں کی گرفتاری اور مظلوم کی فریاد رسی کرنا امارت شرعیہ کا وہ عظیم کارنامہ ہے جو آب زر سے لکھے جانے کے قابل ہے۔ اس کے علاوہ ماب لنچنگ وفرقہ وارانہ فساد میں شہید و زخمی ہونے والے بے قصور لوگوں کی قابل ذکر مالی امداد بھی امارت شرعیہ کی جانب سے کی جاتی رہی ہے۔
CAA،NRC،NPRکے خلاف ملک گیراحتجاج کے موقع پر پھلواری شریف کے فساد سے لے کر اب تک چھوٹے بڑے بیسیوں جگہ کشیدگی کا ماحول بن چکا ہے، ان تمام مواقع پر امارت شرعیہ نے حکومت کو بروقت متوجہ کر کے ہزاروں انسانی جانوں کو سلامتی بخشی ہے اور ملک و ریاست کے امن و امان کی حفاظت کی ہے۔ان چند سطور بالا میں اس حوالہ سے امارت شرعیہ کی ان خدمات کا فقط ایک اجمالی خاکہ پیش کیاگیا ہے، ورنہ اس جہت میں اس کی خدمات سو سال پر محیط ہیں جو کافی وقیع اور بے حد وسیع ہیں، اس کے لیے ایک بڑے دفتر کی ضرورت درکار ہے۔ع
سفینہ چاہئے اس بحر بیکراں کے لیے
قابل ذکر بات یہ ہے کہ جب بھی امارت شرعیہ کے انتہائی متحرک و فعال اور سر گرم کار قائم مقام ناظم مولانا محمد شبلی القاسمی صاحب مد ظلہ العالی نے حکومت کو ان واقعات کی جانب متوجہ کیا تو حکومت نے اسے سنجیدگی سے لے کر امن و امان کی بحالی کی کوشش کی۔دعا ہے کہ اللہ سبحانہ و تعالیٰ اس شجر سایہ دار کو اپنی توجہات و عنایات میں رکھے، اور اس سفینہئ ملت کے ناخدا امیر شریعت مفکر اسلام حضر ت مولانا محمد ولی رحمانی صاحب دامت برکاتہم اور اس کے جملہ اکابرین و خادمین کی خدمات کو شرف قبولیت بخشے(آمین)