راج ناتھ سنگھ

نئی دہلی:زرعی شعبے میں اصلاحات کے لیے حالیہ منظور شدہ قوانین کے بارے میں کچھ کسان تنظیموں کے مسلسل احتجاج کے درمیان ، سینئر مرکزی وزیر راج ناتھ سنگھ نے جمعرات کو کاشتکاروں کو یقین دلایا کہ فصلوں کی کم سے کم سپورٹ قیمت (ایم ایس پی) نہ صرف برقرار رہے گی بلکہ آنے والے سالوں میں بھی اس میں اضافہ ہوتا رہے گا۔کانگریس کے یوتھ ونگ کے مظاہرے کے دوران ٹریکٹر کو نذر آتش کرنے کو نشانہ بناتے ہوئے ، انہوں نے کہا کہ انہوں نے ٹریکٹر کو جلاکر کسانوں کی توہین کی ہے ۔پیر کے روز ، قومی راجدھانی میں انڈیا گیٹ کے قریب راشٹرپتی بھون اور پارلیمنٹ ہاؤس سے چند سو میٹر کے فاصلے پریوتھ سیل کے کارکنوں نے ایک ٹریکٹر کو آگ لگا دی تھی ۔وزیر دفاع نے صحافیوں کے ایک گروپ سے گفتگو کرتے ہوئے کہا کہ خود ایک کسان کا بیٹا ہونے کی وجہ سے ، میں یہ واضح کرنا چاہتا ہوں کہ مودی سرکارایسا کچھ نہیں کرے گی جو کسانوں کے مفاد میں نہیں ہے

نئی دہلی:بابری مسجد انہدام کیس میں سی بی آئی کی خصوصی عدالت نے تمام 32 ملزمان کو بری کردیا ہے۔ جج ایس کے یادو نے کہا کہ متنازعہ ڈھانچے کو مسمار کرنے کی کوئی سازش نہیں کی گئی تھی۔ یہ واقعہ اچانک ہوا۔فیصلے کے بعد وزیر داخلہ امیت شاہ نے سابق نائب وزیر اعظم ایل کے اڈوانی سے فون پر بات چیت کی اور مبارکباد دی۔ اسی دوران بی جے پی صدر جے پی نڈا اور مرکزی وزیر قانون روی شنکر پرساد لال کرشن اڈوانی سے ملنے گئے ۔وزیر دفاع راج ناتھ سنگھ نے کہاکہ میں بابری مسجد انہدام کیس میں ایل کے اڈوانی، کلیان سنگھ، ڈاکٹر مرلی منوہر جوشی، اوماجی سمیت 32 افراد کے کسی بھی سازش میں شامل نہ ہونے کے لکھنؤ کی خصوصی عدالت کے فیصلے کا خیرمقدم کرتا ہوں۔ اس فیصلے سے ثابت ہوا ہے کہ دیر سے ہی سہی لیکن انصاف کی جیت ہوتی ہے۔ یوپی کے سی ایم یوگی آدتیہ ناتھ نے کہاکہ سی بی آئی کی خصوصی عدالت کے فیصلے کا خیرمقدم ہے۔