Home قومی خبریں عباس انصاری کو سپریم کورٹ سے راحت، یوپی حکومت کو نوٹس جاری

عباس انصاری کو سپریم کورٹ سے راحت، یوپی حکومت کو نوٹس جاری

by قندیل

نئی دہلی: جیل میں بند سابق ممبر اسمبلی مختار انصاری کے بیٹے ممبر اسمبلی عباس انصاری کو سپریم کورٹ سے بڑی راحت ملی ہے۔ سپریم کورٹ نے عباس انصاری کی عرضی پر یوپی حکومت کو نوٹس جاری کرتے ہوئے چار ہفتوں کے اندر جواب طلب کیا ہے۔ اسی کے ساتھ سپریم کورٹ نے آرمس ایکٹ کے معاملہ میں عباس انصاری کی گرفتاری پر تا حکم ثانی روک لگا دی۔خیال رہے کہ لکھنؤ کی ایم پی-ایم ایل اے عدالت نے پیر کے روز عباس انصاری کے اثاثے ضبط کرنے کا حکم دیا تھا۔ مؤ سے سوبھاسپا (ایس بی ایس پی) کے ایم ایل اے عباس انصاری کو پہلے ہی مفرور قرار دیا جا چکا ہے۔ عباس انصاری پر الزام ہے کہ انہوں نے اسپورٹس کوٹے سے لیے گئے اسلحہ لائسنس پر جعلسازی کرتے ہوئے کئی ہتھیار حاصل کئے۔ عدالت نے 25 اگست کو عباس کو دفعہ 82 کے تحت مفرور قرار دیا تھا۔وہیںمختار انصاری کی مشکلات میں لگاتار اضافہ ہو رہا ہے۔ مختار انصاری کیخلاف منی لانڈرنگ کیس کے سلسلے میں ای ڈی کئی رئیل اسٹیٹ تاجروں سے پوچھ گچھ کر رہی ہے۔ مختار کے رئیل اسٹیٹ کے کاروبار کی دیکھ بھال کرنے والے بلڈرز کو نوٹس بھیجے گئے ہیں۔ ای ڈی نے لکھنؤ کی رئیل اسٹیٹ کمپنی کے مالک کو نوٹس بھیجا ہے۔

You may also like

Leave a Comment