دبئی:سالِ نو پر رأس الخیمہ میں آتش بازی سے گنیز ورلڈ کے 2 ریکارڈ ٹوٹ گئے

دبئی :متحدہ عرب امارات کی ریاست رأس الخیمہ میںسال نو 2022 کی آمد کے موقع پر کی جانے والی نام نہاد آتش بازی نے یہاں موجود اور دنیا بھر سے دیکھنے والے لاکھوں مداحوں کو حیران کر دیا۔ نیوز کے مطابق سال نو کے استقبال کی تقریب کے موقع پر ہونے والی اس آتش بازی نے دوگینز ورلڈ ریکارڈ توڑ دیئے۔آتش بازی کا پہلا گنیز ورلڈ ریکارڈ ٹائٹل دنیا میں کسی بھی اونچائی سے ملٹی روٹرز اور ڈرون فائر ورکس ڈسپلے پر تھا۔ آتش بازی کا یہ مظاہرہ 1055.8میٹرکی بلندی سے کیا جارہا تھا۔وسرے گنیز ورلڈ ریکارڈ کا ٹائٹل سب سے زیادہ ریموٹ سے چلنے والے ملٹی روٹرز/ڈرونز پر تھا جو بیک وقت آتش بازی کے لیے استعمال کیے جا رہے تھے۔ اس موقع پر 452 ڈرونز نے آسمان پر نئے سال کے تہنیتی پیغام کا انتہائی خوبصورت منظرآتش بازی کے ذریعے روشن کیا۔متحدہ عرب امارات کی 50 ویں سالگرہ کے کے موقع پر منائی جانے والی تقریبات کے سلسلے میں یہ راس الخیمہ کے عوام کے لیے بہترین خراج تحسین تھا جو موسیقی کی دھنوں کے ساتھ 12منٹ تک جاری رہا۔آتش بازی کے آخری مظاہرے میں رنگا رنگ روشنیوں کے جھرمٹ میں خوبصورت انداز سے سفید رنگ کا ایک بڑا حصہ دکھایا گیا جس سے نئے سال کی آمد پر امید اور امنگ کے پیغام کا تاثر ابھرتا ہے۔راس الخیمہ میںآتش بازی کے لیے قائم آرگنائزنگ کمیٹی کے ترجمان نے اس موقع پر کہا کہ رینکی 2022 کے عنوان سے کی جانے والی یہ آتش بازی راس الخیمہ اور متحدہ عرب امارات کی قیادت اورعوام کے لیے خراج تحسین ہے۔