راجستھان کے بعد اتراکھنڈ حکومت بھی پتنجلی کو گھیرنے کی تیاری میں

نئی دہلی:کورونا کی دوا کورونل بنانے کا دعویٰ کرنے والی پتنجلی کی مشکلیں بڑھتی جارہی ہیں۔ راجستھان حکومت نے بابا رام دیو کے خلاف مقدمہ درج کرنے کی بات کی ہے، لہذا اب اتراکھنڈ حکومت بھی پتنجلی کو نوٹس بھیجنے کی تیاری کر رہی ہے۔ اتراکھنڈ کا آیوروید محکمہ نوٹس جاری کرے گا تاکہ یہ پوچھے کہ دوائی شروع کرنے کی اجازت کہاں سے آئی ہے؟اتراکھنڈ آیوروید محکمہ کے لائسنس افسر کا کہنا ہے کہ ہم نے پتنجلی کی درخواست پر لائسنس جاری کیا۔ اس درخواست میں کہیں بھی کورونا وائرس کا ذکر نہیں تھا۔ اس میںکہا گیا کہ ہم امیونٹی بڑھانے، بلغم اور بخار کی دوائی بنانے کا لائسنس لے رہے ہیں۔ محکمہ کی جانب سے پتنجلی کو نوٹس بھجوایا گیا ہے۔اس سے قبل راجستھان حکومت بابا رام دیو کے کورونا کی دوا کورونیل کی تلاش کرنے کے دعوے کو دھوکہ دہی قرار دے چکی ہے۔ راجستھان حکومت کے وزیر صحت رگھو شرما کا کہنا ہے کہ وبائی مرض کے وقت بابا رام دیو نے اس طرح کورونا دوائیں بیچنے کی کوشش کی ہے، جو اچھی بات نہیں ہے۔وزیر صحت رگھو شرما نے کہا کہ آیوش وزارت کی گزٹ کے نوٹیفکیشن کے مطابق بابا رام دیو کو کسی بھی کورونا آیور وید دوا کے ٹرائل کے لئے آئی سی ایم آر اور حکومت راجستھان سے اجازت لینا چاہئے تھا، لیکن بغیر کسی اجازت اور کسی معیار کے ٹرائل کا دعوی کیا گیا جو غلط ہے۔

    Leave Your Comment

    Your email address will not be published.*