اوڈیشہ کے پوری میں جگناتھ یاترا پر سپریم کورٹ نے لگائی پابندی

اوڈیشہ کے پوری میں جگناتھ یاترا پر سپریم کورٹ نے لگائی پابندی
نئی دہلی:سپریم کورٹ نے اڑیشہ کے پوری میں بھگوان جگناتھ یاترا اور اس سے متعلق سرگرمیوں پر پابندی عائد کردی ہے۔ یہ رتھ یاترا 23 جون کو ہونی تھی اور 10 سے 12 لاکھ لوگوں کے جمع ہونے کی توقع کی جارہی تھی۔ یہ پروگرام تقریبا 10 دن تک چلتا ہے۔ عدالت نے کہا کہ یہ حکم لوگوں کی صحت کے لیے ضروری ہے۔سپریم کورٹ نے کہا کہ اگر ہم رتھ یاترا کی اجازت نہیں دیںگے تو بھگوان جگناتھ ہمیں اس کے لئے معاف کردیں گے۔ عدالت نے یہ بھی کہا کہ بھگوان جگناتھ کا کام کبھی نہیں رکتا ہے۔اڑیشہ ڈویلپمنٹ کونسل نامی کی تنظیم نے سپریم کورٹ میں ایک درخواست دائر کی تھی جس میں کہا گیا تھا کہ ریاست میں 30 جون تک مذہبی مقامات کو بند رکھنے کا فیصلہ کیا گیا ہے۔ لیکن اس بات کے اشارے مل رہے ہیں کہ انتظامیہ کے ذریعہ رتھ یاترا کی منظوری مل سکتی ہے۔ لاکھوں افراد کے جمع ہونے کے بعد امید کی جا رہی ہے کہ اس سے افراتفری کا ماحول ہوگا۔اس لیے عدالت کو رتھ یاترا روکنا چاہئے۔ ریاستی حکومت سے کہے کہ اس سال یاترا کی اجازت نہ دیں۔

    Leave Your Comment

    Your email address will not be published.*