نتیش کمار نے افسران سے کہا: مہاجر مزدوروں کابڑا ہجوم امڈ سکتا ہے، کمر کس لیں

پٹنہ:بہار کے وزیر اعلی نتیش کمار نے کہا ہے کہ 10 لاکھ مہاجر مزدور واپس ریاست لوٹنے کی امید ہے۔ اور ان تمام کو 14 دن کے بجائے 21 دن تک کووارنٹائن میں رکھا جائے گا۔ وزیر اعلی نے یہ حکم اعلی حکام کے ساتھ ویڈیو کانفرنس کے ذریعے ہوئی میٹنگ میں دیا ہے۔ اجلاس میں ان کے کابینہ کے وزیر بھی موجود تھے۔ 6 گھنٹے تک جاری رہی اس میٹنگ میں وزیر اعلی نے کہا کہ کووارنٹین سینٹر میں تمام مہاجر مزدوروں کو اسکل ٹریننگ بھی دی جائے گی۔وزیر اعلی نتیش کمار نے کہا ہے کہ بہار میں مستقبل قریب میں مہاجر مزدورکی بڑی تعداد امڈ سکتی ہے اور انہیں 21 دن تک بنیادی طور پر الگ جگہ میں رکھنے، ان کا طبی ٹیسٹ، علاج اور اقتصادی بحالی کے انتظام کو یقینی بناناچاہئے۔ اجلاس میں وزیر اعلی نتیش نے حکام سے اس وقت کے لئے کمر کسنے کو کہا ہے جب لاکھوں کی تعداد میں مہاجر مزدوروں، طالب علموں اور تیرتھ یاتریوںکو مرکز کی طرف سے چلائی جانے والی خصوصی ٹرینوں سے گھر لایا جائے گا۔انہوں نے کہا کہ اس کے علاوہ ان کی واپسی کو آسان بنانے کے لئے ریاستوں کے درمیان باہمی سمجھوتہ ہونے پر نقل و حمل کے دیگرذرائع کا بھی انتظام کیا جا سکتا ہے۔ کمار نے اجلاس میں کہاکہ ہمیں اس بات کا یقین کرنا ضروری ہے کہ علیحٰدہ مراکز میں کھانے، کیمپ، حفظان صحت اور طبی بہترین نظام ہو۔ ڈویژن اور پنچایت سطح پر علیحدہ مراکز کا بندوبست ہو۔ ‘اگر ضرورت پڑی تو ہمیں مزید مراکز قائم کرنے پڑ سکتے ہیں کیونکہ لوٹنے والے لوگوں کی تعداد زیادہ ہو سکتی ہے۔ اس میٹنگ میں نائب وزیر اعلی سشیل کمار مودی، چیف سکریٹری دیپک کمار اور پولیس ڈائریکٹر جنرل گپتیشور پانڈے سمیت دیگر شامل ہوئے۔ریاست میں ضلع افسران اور پولیس انسپکٹروںنے ویڈیو کانفرنس کے ذریعے اجلاس میں حصہ لیا۔ وزیر اعلی نے کہا کہ ریلوے اسٹیشن سے مہاجر مزدوروںکو ان کے گھر کے قریب واقع علیحدہ مراکز تک لے جانے کے لئے گاڑیوں کا بندوبست ہونا چاہئے۔ دیہات میں بیداری مہم چلائی جائے، جہاں لاوڈاسپیکرز پر موجودہ حالت میں ضروری احتیاط کے سلسلے میں پیغام سنائے جائیں۔انہوں نے کہا کہ ریاست میں کورونا وائرس کے پھیلنے کے معاملے شروعات میں کم تھے لیکن بعد میں ان کی تعداد بڑھنے لگی، کچھ حد تک باہر سے انفیکشن لے کر آنے والے لوگوں کی وجہ سے۔ نتیش کمار نے کہاکہ ‘اب ہمیں خود کو اس صورتحال کے لئے تیار رکھنا ہوگا جو لاک ڈاو?ن کے سلسلے میں مرکز کے نظر ثانی ہدایات کے پیش نظر بڑا ہجوم امڈنے کی وجہ سے پیدا ہو سکتی ہے۔