ملک میں کورونا کے 10.77 لاکھ مریض

نئی دہلی:اب تک ملک میں 10 لاکھ 77 ہزار 618 افراد کورونا سے متاثر ہوچکے ہیں۔ ان میں سے 26816 افراد لقمہ اجل بن چکے ہیں، جبکہ 6 لاکھ 77 ہزار 422 افراد ٹھیک ہوگئے ہیں۔ گذشتہ 24 گھنٹوں میں کورونا وائرس کے 38 ہزار 902 نئے کیس رپورٹ ہوئے اور 543 اموات ہوئیں۔گذشتہ 24 گھنٹوں کے دوران کورونا کے 2.24 لاکھ نئے کیس رپورٹ ہوئے ہیں جبکہ 5008 افراد ہلاک ہوگئے ہیں۔ دنیا میں ایک کروڑ 44 لاکھ سے زیادہ انفیکشن کے واقعات ہو چکے ہیں، جبکہ اموات کی تعداد 6 لاکھ کو عبور کر چکی ہے۔آسام اور بہار میں سیلاب کی وجہ سے زندگی مشکلات سے دوچار ہے۔ بہار کے بہت ساری ندیاںخطرے کے نشان سے اوپر بہہ رہی ہیں جس کی وجہ سے آٹھ اضلاع کے 30 بلاک سیلاب سے متاثر ہیں۔ وہیںآسام کے 33 میں سے 28 اضلاع برہما پیترا ندی میں آنے والے سیلاب سے متاثر ہیں۔