ملک کے حالات کو معمول پر لانے کا وقت آ گیا ہے:پیوش گوئل

نئی دہلی:ریلوے کے وزیر پیوش گوئل نے کہا ہے کہ کورونا وائرس کی وبا کے درمیان جلد ہی مزید ٹرینوں کو شروع کیا جائے گا۔ہندوستان کے حالات کو معمول پر لانے کا وقت آ گیا ہے۔ابھی تک ہم مغربی بنگال میں صرف 27 ٹرینیں چلا سکے ہیں۔ آٹھ یا نو مئی تک وہاں صرف دو ٹرینیں پہنچی تھی لاک ڈائون کے دوران چلائی گئی خصوصی ورکرز ٹرینوں کے بارے میں انہوں نے بتایا کہ 20 مئی کو 279 ورکرز ٹرینوں نے پانچ لاکھ مہاجر مزدوروں، طالب علموں اور سیاحوں کو ان کے گھر پہنچایا۔انہوں نے کہا کہ ملک کے حالات کو معمول پر لانے کے لئے ہم جلد ہی مزید ٹرینوں کی شروعات ہونے کا اعلان کریں گے۔اسٹیشنوں پر ٹکٹ کاؤنٹر پر بھی دو تین دن میں ٹکٹ کی بکنگ شروع ہو جائے گی۔ملک میں 1.7 لاکھ کامن سروس سینٹر پر جمعہ سے ٹرینوں کے لئے ٹکٹ کی بکنگ شروع ہوگی۔ہم اس صورتحال کا تجزیہ کر رہے ہیں اور ہدایات تیار کررہے ہیں۔

    Leave Your Comment

    Your email address will not be published.*