نریندر مودی پیر کوپھر وزرائے اعلیٰ کے ساتھ میٹنگ کریں گے

نئی دہلی:ملک میں کورونا وائرس کیس پرتبادلہ خیال کرنے کے لیے، وزیر اعظم نریندر مودی 27 اپریل کوریاست کے وزرائے اعلیٰ سے ویڈیو کانفرنسنگ کے ذریعے تبادلہ خیال کریں گے۔ ملک میں لاک ڈاؤن کے بعد ریاستوں کے وزرائے اعلیٰ کے ساتھ یہ ان کی تیسری بات چیت ہوگی۔ہرمیٹنگ میں ریاستیں پیکج مانگ رہی ہیں،یہاں تک کہ بعض ریاستوں کوجی ایس ٹی کے بقائے تک نہیں دیے گئے ہیں۔غیربی جے پی ریاستوں کاالزام ہے کہ میٹنگ کرکے صرف تقریرہورہی ہے۔ہمارے مطالبات نہیں مانے جارہے ہیں۔جب بجٹ نہیں ہوگاتوہم کس طرح لڑائی لڑیں گے۔ اہم بات یہ ہے کہ، ملک میں لاک ڈاؤن کو14 اپریل تک نافذ کیا گیا تھا جو بعد میں 3 مئی تک بڑھا دیا گیا تھا۔ ذرائع کے مطابق وزیر اعظم کے ریاستوں کے وزیراعلیٰ کی یہ ویڈیوکانفرنس پیرکی صبح دس بجے شروع ہوگی۔دیکھناہے کہ ریاستوں کے بجٹ پرکوئی حتمی بات ہوتی ہے یانہیں،یاصرف مشاورت تک بات رہ جاتی ہے۔

    Leave Your Comment

    Your email address will not be published.*