پروفیسر سارہ بیگم، ڈین فیکلٹی آف ایجوکیشن نے وفد کا پر تپاک خیر مقدم کیا
نئی دہلی :آسٹریلیاکے ایک تعلیمی وفد نے جامعہ ملیہ اسلامیہ کی فیکلٹی آف ایجوکیشن کا دورہ کیااور تدریسی وآموزشی سرگرمیوں کو قریب سے دیکھا۔یہ وفدآسٹریلیا کے ملبورن یونیورسٹی سے آیا ہے اور جامعہ ملیہ اسلامیہ کے ساتھ تعلیمی اور ثقافتی اکسچینج پروگرام کاخواہاں ہے۔ ان کے خیرم مقدم کے لیے فیکلٹی کے سیمنارہال میں خصوصی پروگرام منعقد کیا گیا جس میں فیکلٹی کے سبھی اساتذہ نے شرکت کی۔ایجوکیشن فیکلٹی کی ڈین پروفیسر سارہ بیگم نے وفد کا پرجوش خیرمقدم کیا اوراستادوں کے مدرسے سے لیکر فیکلٹی آف ایجوکیشن بننے تک کی مختصر تاریخ پیش کی۔انھوں نے یہ بھی بتایا کہ گاندھی جی کے ایماء پرڈاکٹرذاکر حسین نے اس ادارے کو قائم کیا تھاجو آج ملک کے ممتازٹیچرٹریننگ کالجوں میں سے ایک ہے اور جہاں ٹیچر ٹریننگ کے 9 پروگرام چلتے ہیں اورجس میں اردو، ہندی انگریزی تینوں میڈم کے اساتذہ تیارکیے جاتے ہیں ساتھ ہی انھوں نے فیکلٹی آف ایجوکیشن کی اہم خصوصیات کے بارے میں بھی تفصیل سے بتایا۔ڈپارٹمنٹ آف ٹیچر ٹریننگ اینڈ نان فارمل ایجوکیش کی صد پروفیسر جیسی ابراہم نے شعبے میں چلنے والے مختلف پروگراموں پر اختصار سے روشنی ڈالی۔ ڈپارٹمنٹ آف ایجوکیشنل اسٹڈیز کے صد رپروفیسر ارشد اکرام احمد نے شعبے کی سرگرمیوں اورپروگراموں سے وفد کو روشنا س کراتے ہوئے بتایا کہ شعبے کی توجہ ریسرچ وتحقیق پر مرکوزہے اور شعبے کے سبھی اساتذہ اپنی فیلڈ میں نمایاں مقام رکھتے ہیں۔اس موقع پر سبھی اساتذہ نے اپنا مختصر تعارف بھی پیش کیا اور پھر مہمانوں نے ملبورن یونیورسٹی کی تعلیمی سرگرمیوں پر روشنی ڈالی۔وہ یہاں کے تعلیمی نظام کرافٹ پر مبنی تعلیم سے بہت زیادہ متاثر ہوئے اور یہاں سے دیرینہ تعلقات کے قیام پر زوردیا۔انھوں نے انٹیریئر ڈیکوریشن کی تجربہ گاہ کا معائنہ بھی کیااور اس سے بے حد متاثر بھی ہوئے۔انھوں نے لیب کی ویڈیو بھی بنائی اور تصاویریں بھی لیں۔انٹیریئر ڈیکوریشن کی ٹیچر ڈاکٹرشادماں یاسمین سے انھوں نے لیب کے بارے میں تفصیلی معلومات بھی حاصل کیں۔ڈی ایل ایڈ کورس کوآرڈینیٹر اور اسسٹنٹ پراکٹر ڈاکٹرمحمد اسجد انصاری نے سبھی مہمانوں کا شکریہ اداکیا ۔
