مشہور گلوکار ایس پی بالاسبرمنیم کا 74 سال کی عمر میں انتقال،کورونا وائرس سے تھے متاثر

نئی دہلی:ہندی، تیلگو، ملیالم اور تمل سمیت 16 زبانوں میں تقریباً40000 گانوں کو آواز دینے والے مشہور گلوکار ایس پی بالاسبرمنیم کا انتقال ہوگیا۔ ایس پی بالاسبرمنیم طویل عرصے سے اسپتال میں داخل علاج تھے اور انہیں کورونا وائرس کا انفیکشن بھی ہوا تھا۔ گلوکار ایس پی بالاسبرمنیم کے بیٹے چرن نے بتایا ہے کہ ان کے والد کا انتقال آج سہ پہر 1.45 بجے ہوگیا ۔ وہ 74 سال کے تھے۔ ایس پی کو 5 اگست کو کورونا انفیکشن ہوا تھا اور وہ وینٹی لیٹر پر تھے۔ آج سلمان خان نے بھی ان کی صحت کے بارے میں ٹویٹ کیاتھا۔ایس پی بالاسبرمنیم نیلور کے تیلگو گھرانے میں پیدا ہوئے تھے اور ان کے والد ایس پی تھے۔ بالاسبرمنیم آرٹسٹ تھے۔ ایس پی بالاسبرمنیم بالی ووڈ میں سلمان خان کی آواز رہ چکے اور انہوں نے ’میں پیار کیا‘ اور ‘’ آپ کے ہیں کون‘ جیسی فلموں میں گانے گائے تھے۔ ایس پی بالاسبرمنیم پلے بیک گلوکار کے علاوہ میوزک ڈائریکٹر، اداکار، ڈبنگ آرٹسٹ اور فلم پروڈیوسر بھی تھے۔ ایس پی بالاسبرمنیم 6 بار قومی فلم کا ایوارڈ بھی جیت چکے ہیں۔ایس پی بالاسبرمنیم کے نام سب سے زیادہ تر فلمی گانوں میں آواز دینے کاگینز ورلڈ ریکارڈ درج ہے۔ ایس پی بالاسبرمنیم کو پدم شری (2001) اور پدم بھوشن (2011) سے بھی نوازا گیا تھا۔ انہیںایس پی بی اور بالوکے نام سے بھی جانا جاتا تھا۔ بالی ووڈ میں ایس پی بالاسبرمنیم نے ’میں پیار کیا‘، ’ہم آپ کے ہیں کون‘،’آندھا کانون‘، ’ساجن‘،’ 100 ڈیز‘، ’چنئی ایکسپریس‘ اور ’انگار‘ جیسی فلموں میں اپنی آواز دے چکے تھے۔