Home قومی خبریں معروف صحافی و مزاح نگار نصرت ظہیر کا انتقال

معروف صحافی و مزاح نگار نصرت ظہیر کا انتقال

by قندیل

نئی دہلی:معروف صحافی، شاعر اور طنز ومزاح نگار نصرت ظہیر کا تقریبا ستر سال کی عمر میں آج شام 5.30 بجے مختصر علالت کے بعد انتقال ہوگیاـ انھوں نے ایک سرگرم ادبی و صحافتی زندگی گزاری اور اس وقت اردو دنیا میں اپنی منفرد ادبی شناخت رکھتے تھے ـ انھوں نے ایک طویل عرصے تک روزنامہ سہارا میں کالم نگاری کی اور فی الحال روزنامہ انقلاب اور دیگر بہت سے مطبوعہ اخبارات اور ویب سائٹس پر ان کے مضامین شائع ہو رہے تھےـ نصرت ظہیر خصوصا اپنی دلچسپ اور معنی خیز طنزیہ تحریروں کے حوالے سے خاص شناخت رکھتے تھے ـ ان کی تحریروں میں سماج و سیاست کے سلگتے مسائل پر ہلکے پھلکے انداز میں بہت گہرا طنز ہوتا تھا، وہ فکاہی پیرایے میں اصلاحِ احوال کی دعوت دیتے تھےـ ان کے طنزیہ مضامین پر مشتمل کئی کتابیں بھی شائع ہوئی ہیں ـ انھوں نے دہلی سے ایک رسالہ "ادب ساز "بھی نکالا اورکئی سال قومی کونسل برائے فروغ اردو زبان کے شعبۂ ادارت میں بھی خدمات انجام دیں ـ ان کی تدفین ان کے آبائی وطن سہارنپور میں آج رات 12 بجے کی جائے گی ـ

You may also like

Leave a Comment