جے پی نڈا نے مزدوروں کی موت پر تعزیت کا اظہار کیا

نئی دہلی:بی جے پی صدر جے پی نڈا نے اورنگ آباد میں مال گاڑی کی زد میں آنے سے مزدوروں کی موت پر غم کا اظہار کرتے ہوئے کہا کہ وہ اس حادثے سے انتہائی افسردہ ہیں اور اسے الفاظ میں بیان کرنا مشکل ہے۔مہاراشٹر کے اورنگ آباد ضلع میں ریل کی پٹریوں پر سو رہے کم از کم 14 مہاجر مزدوروں کی جمعہ کی صبح ایک مال گاڑی کی زد میں آنے سے موت ہو گئی۔نڈا نے کہاکہ مہاراشٹر کے اورنگ آباد میں المناک ٹرین حادثے کے بارے میں جان کر دکھی ہوں جسے الفاظ میں بیان نہیں کیا جا سکتا۔بی جے پی صدر نے کہا کہ انہوں نے پارٹی کارکنوں سے تمام طبی ہدایات پر عمل کرتے ہوئے انتظامیہ کو امدادی کام میں شامل ہونے اور مکمل تعاون دینے کو کہا ہے۔وہ اس واقعہ پر تعزیت ظاہر کرتے ہیں اور زخمیوں کی جلد صحت مند ہونے کے متمنی ہیں۔