جامعہ فائرنگ:حیران نہیں ہوں، یہ تو ہونا ہی تھا:سوارابھاسکر

نئی دہلی:دہلی کی جامعہ ملیہ اسلامیہ یونیورسٹی میں دن دہاڑے ایک غنڈے نے گولی چلا دی جس سے شاداب نام کے طالب علم کے ہاتھ میں گولی لگ گئی۔ یہ واقعہ کیمرے پر قید ہو گیا اورسوشل میڈیا پر اس واقعہ کو لے کر لوگ جم کر غصہ میں ہیں۔اس واقعہ پربہت شخصیات کے جوابات بھی سامنے آ رہے ہیں۔مشہور ڈائریکٹر انوراگ کشیپ نے اس معاملے میں مرکزی حکومت پربڑا حملہ بولتے ہوئے کہا تھا کہ مودی حکومت دہشت گردپیداکر رہی ہے۔وہیں انوراگ کے بعد اداکارہ سورا بھاسکر نے بھی اس معاملے میں اپنا بیان دیاہے۔سورا بھاسکر نے اس حملے کے بارے میں کہا کہ سال 2014 میں جس حکومت کو ملک نے منتخب کیا تھا، اس کے بعد ملک میں ایسے ہی حالات پیدا ہونے تھے۔سورا نے ٹویٹ کرتے ہوئے لکھاہے کہ اس بارے میں کچھ بھی حیران کرنے والا نہیں ہے۔سال 2014 میں ہم نے جنہیں منتخب کیا ہے ان کا منطقی راستہ یہی ہے۔سنگھ کااپناکوئی بھی نظریہ اٹھا کر پڑھ لیجیے۔ انہیں ووٹ دینے کے بعد ہمیں ایسی ہی پوزیشن میں ہی آناتھا۔سورا کے علاوہ اس معاملے میں اداکار محمد ذیشان ایوب نے بھی اس معاملے میں ٹویٹ کیاہے۔محمدذیشان ایوب نے ٹویٹ کرتے ہوئے لکھاہے کہ جن لوگوں کویہ سب حیران کر دینے والا لگ رہا ہے، ان سے میں صرف یہی کہوں گا کہآپ کی نیند میں تھے۔