ہندوستان اور ویسٹ انڈیز کے درمیان پہلا ونڈے کل

نئی دہلی:ہندوستان اور ویسٹ انڈیز کے درمیان ون ڈے سیریز کا پہلا میچ 6 فروری کو کھیلا جائے گا۔ یہ میچ احمد آباد کے نریندر مودی اسٹیڈیم میں کھیلا جائے گا۔ ٹیم انڈیا کے کھلاڑیوں نے اس اسٹیڈیم میں کئی بڑے ریکارڈ بنائے ہیں۔ یہ اسٹیڈیم سنیل گواسکر اور کپل دیو سے لے کر سچن تندولکر اور ہربھجن سنگھ کے تاریخی ریکارڈوں کا گواہ رہا ہے۔ احمد آباد کے نریندر مودی اسٹیڈیم کا پرانا نام موتیرا تھا۔ حکومت کے حکم پر اسے نیا روپ دیا گیا اور نام بھی تبدیل کر دیا گیا۔ یہ اسٹیڈیم کئی تاریخی ریکارڈوں کا گواہ رہا ہے۔ عظیم کرکٹر سنیل گواسکر نے 1987 میں اس گراؤنڈ میں اپنے 10,000 ٹیسٹ رنز مکمل کیے تھے۔ سنیل ورلڈ کپ جیتنے والی ٹیم کا حصہ رہے ہیں۔سابق کپتان کپل دیو 1994 میں موتیرا اسٹیڈیم میں ٹیسٹ میں سب سے زیادہ وکٹیں لینے والے گیندبازبنے۔ وہ ورلڈ کپ جیتنے والی ہندوستانی ٹیم کے کپتان بھی رہ چکے ہیں۔ کرکٹ کا بھگوان کہے جانے والے کھلاڑی کپل دیو کے بعد سچن نے بھی یہاں ایک خاص ریکارڈ بنایا ہے۔ انہوں نے اپنی واحد ڈبل سنچری 1999 میں بنائی۔ احمد آباد کے اس گراؤنڈ پر بلے بازوں کے ساتھ ساتھ گیند بازوں نے بھی کئی ریکارڈ بنائے ہیں۔ ٹاپ ہندوستانی آف اسپنر روی چندرن اشون نے یہاں اپنا 400 واں ٹیسٹ وکٹ لیا۔ ساتھ ہی ہندوستانی آف اسپنر ہربھجن سنگھ نے اپنی پہلی ٹیسٹ سنچری بنائی۔اس کے علاوہ کپل دیو نے 1983 میں ویسٹ انڈیز کے خلاف 83 رنز دے کر نو وکٹیں حاصل کی تھیں۔ جبکہ سچن نے 2011 کے ورلڈ کپ میں آسٹریلیا کے خلاف اپنا 18,000 رن مکمل کیا۔ سابق تجربہ کار کھلاڑی وی وی ایس لکشمن نے اس گراؤنڈ پر 1996 میں جنوبی افریقہ کے خلاف ٹیسٹ ڈیبو کیا تھا۔