20 C
نئی دہلی
Image default
بین الاقوامی خبریں

ہندوستانی حکومت مسلمانوں کے خلاف تشددکی لہر پرروک لگائے:ایران

نئی دہلی:ایرانی وزیر خارجہ جواد ظریف نے ہندوستانی مسلمانوں کے خلاف منظم تشدد کی لہر کی مذمت کی ہے اور ہندوستانی حکومت پر زور دیا ہے کہ وہ”جنونی تشدد“ کو غالب نہ ہونے دے۔ وہ شمال مشرقی دہلی میں ہونے والے فسادات پر ردعمل کا اظہار کررہے تھے جس میں اب تک 46 افراد کی موت ہوچکی ہے اور 200 سے زیادہ زخمی ہوئے ہیں۔انھوں نے اپنے ٹوئٹراکاؤنٹ پر لکھاہے”ایران ہندوستانی مسلمانوں کے خلاف منظم تشدد کی لہر کی مذمت کرتا ہے۔ صدیوں سے ایران، ہندوستان کا دوست رہا ہے۔ ہم ہندوستانی حکام سے گزارش کرتے ہیں کہ وہ تمام ہندوستانیوں کی سلامتی کو یقینی بنائیں اور جنونی تشدد کو غالب نہ ہونے دیں۔آگے کی طرف پیش قدمی پرامن بات چیت اور قانون کی حکمرانی میں مضمر ہے“۔

متعلقہ خبریں

Leave a Comment