ہاتھرس کیس:وزیر اعظم مودی نے کی وزیر اعلیٰ سے بات،یوگی نے ایس آئی ٹی تشکیل دی

لکھنؤ:وزیر اعظم نریندر مودی نے ہاتھرس میں ایک دلت بچی کی مبینہ اجتماعی عصمت دری اور کی ہلاکت کے سلسلے میں بدھ کے روز وزیر اعلی یوگی آدتیہ ناتھ سے بات کی اور مجرموں کے خلاف سخت کارروائی کی ہدایت کی۔ وزیر اعلی کے دفتر نے یہ اطلاع دی ہے۔ادھر وزیر اعلی یوگی آدتیہ ناتھ نے اس معاملے میں تین رکنی خصوصی تحقیقاتی ٹیم (ایس آئی ٹی) تشکیل دی ہے۔ ایس آئی ٹی کو سات دن میں رپورٹ پیش کرنے کا حکم دیا گیا ہے۔ انہوں نے کیس کی سماعت فاسٹ ٹریک عدالت میں کرنے کی ہدایت بھی دی ہے۔ چیف منسٹر آفس نے ٹویٹ کیا کہ وزیر اعظم نے ہاتھرس کیس میں وزیر اعلی یوگی آدتیہ ناتھ سے بات کی ہے۔ وزیر اعظم نریندر مودی نے ہاتھرس کے واقعے پر بات کی ہے اور کہا ہے کہ مجرموں کے خلاف سخت کارروائی کی جانی چاہئے۔ اس سے قبل مبینہ طور پر اجتماعی عصمت دری اور مقتولہ کی موت کے معاملے میں وزیر اعلی یوگی نے یوپی حکومت کے ہوم سکریٹری بھگوان سوروپ کی سربراہی میں تین رکنی خصوصی تحقیقاتی ٹیم تشکیل دینے کا حکم دیا۔ ایس آئی ٹی سات دن میں اپنی رپورٹ پیش کرے گی۔وزیراعلیٰ نے کیس کے ملزمان کے خلاف فاسٹ ٹریک عدالت میں کارروائی کرنے کی ہدایت دی ہے۔