نئی دہلی:غالب انسٹی ٹیوٹ ہر سال معتبر ادیبوں، دانشوروں، شاعروں، ڈرامہ نگاروں کو غالب انعام دیتا ہے۔ اس سال غالب انسٹی ٹیوٹ کی غالب انعام سب کمیٹی کی میٹنگ مورخہ۴؍دسمبر۲۰۲۳ء کوجسٹس جناب آفتاب عالم صاحب کی صدارت میں ہوئی۔ کافی غور و خوض کے بعد ممبران نے مندرجہ ذیل دانشوروں کو غالب انعامات برائے سال۲۰۲۳ء کے لیے منتخب کیا ہے۔
۱۔ فخرالدین علی احمد غالب انعام برائے اردوتنقید و تحقیق ڈاکٹر شمس بدایونی (بریلی)
۲۔ فخرالدین علی احمد غالب انعام برائے فارسی تنقیدوتحقیق پروفیسرآصف نعیم (لکھنؤ)
۳۔ غالب انعام برائے اردو نثر جناب سید محمد اشرف (علی گڑھ)
۴۔ غالب انعام برائے اردو شاعری جناب خلیل مامون (بنگلورو)
۵۔ ہم سب غالب انعام برائے اردو ڈرامہ جناب نصیر الدین شاہ (ممبئی)
۶۔ غالب انعام برائے مجموعی ادبی خدمات ڈاکٹر کیول دھیر (لدھیانا)
یہ انعامات مبلغ پچھتر ہزار رروپے نقد،ایک تمغہ اور سندپر مشتمل ہیں۔ یہ انعامات۲۲؍دسمبر۲۰۲۳ء کو جشنِ غالب تقریبات کے افتتاحی جلسے کے موقع پر پیش کیے جائیں گے۔
