الیکشن کمیشن نے 26 جون کو کل جماعتی میٹنگ طلب کی

پٹنہ:بہار میں اسمبلی انتخابات کی تیاریوں کے بیچ، ریاستی الیکشن آفس نے 26 جون کو ایک کل جماعتی اجلاس طلب کیا ہے۔ اس اجلاس میں تمام منظور شدہ پارٹیوں کو مدعو کیا گیا ہے۔ کمیشن بہار میں انتخابات کرانے کے لئے سیاسی جماعتوں سے تجاویز طلب کرے گا۔ سیاسی جماعتوں کے ساتھ ڈیجیٹل تیاریوں پر بھی تبادلہ خیال کریں گے۔ الیکشن میں رونما ہونے والی نئی تبدیلیوں کے بارے میں معلومات شیئر کریں گے۔ریاستی ڈپٹی چیف انتخابی افسر بیجوناتھ کمار سنگھ نے کہا کہ بہار میں انتخابات کی تیاریوں کو سیاسی جماعتوں کی رائے کی بنیاد پر حتمی شکل دی جائے گی۔ کل جماعتی اجلاس میں تمام منظور شدہ جماعتوں کے نمائندے شامل ہوں گے۔ ہر ایک سے تجاویز طلب کی جائیں گی۔