نئی دہلی : دہلی تشدد پر کانگریس نے مرکزی حکومت، دہلی حکومت، وزارت داخلہ اور دہلی پولیس پرنشانہ لگایاہے۔ کانگریس کے ترجمان آنند شرما نے ایک پریس کانفرنس میں دہلی تشدد پر مرکز اور دہلی حکومت کو جم کر گھیراہے۔ آنند شرما نے کہاہے کہ ملک اور قومی راجدھانی دہلی میں حالیہ دنوں میں جوواقعات ہوئے ہیں، ان سے کچھ اہم سوال کھڑے ہوئے ہیں۔ مخالفت کرناشہریوں کابنیادی حق ہے۔ احتجاجی مظاہروں پر انتظامیہ کا رویہ تشویش ناک ہے۔آنند شرما نے کہاہے کہ آئینی حقوق کی خلاف ورزی ہو رہی ہے۔ہر قانونی دفعات کا غلط استعمال کیا جا رہا ہے۔یہ آئینی حقوق کی خلاف ورزی ہے۔سپریم کورٹ نے تاخیر سے ہی سہی لیکن کہاہے کہ دفعہ 144 لگانا ٹھیک نہیں ہے۔ مخالفت کرنے پر دفعہ 124 اے کے تحت کیس کیا جا رہاہے۔ غداری کاالزام لگایاجارہاہے۔دہلی تشدد کا ذکر کرتے ہوئے آنند شرمانے کہاہے کہ دہلی میں ہوئے تشدد اور تشدد کے بعد لوگوں کی ہوئی موت پر کانگریس کی تجویزمیں ہم نے کہا کہ جان بوجھ کر کارروائی نہیں کی گئی۔ تشددرک سکتاتھا۔اسی پولیس نے تشدد روکا ہے ایک دن میں، جس نے 4 دن تک دہلی کو جلانے دیا۔ اب جو کارروائی ہورہی ہے، وہ بھی یک طرفہ ہو رہی ہے۔ جولوگ دھرنے پر مخالفت میں بیٹھے تھے، ان پر سنگین دفعات کے تحت مقدمے تیارکیے جا رہے ہیں۔ عدالتوں سے ابھی کوئی راحت نہیں ملی ہے۔آنند شرما نے کہاہے کہ جو لوگ پڑھے لکھے ہیں، وکیل ہیں، بھارت کے شہری ہیں اورحقوق کی بات کرتے ہیں، ان پر سنگین دفعات لگانا غلط ہے۔ جولوگ مخالفت کر رہے ہیں اور کہہ رہے ہیں کہ وہ نہیں اٹھیں گے، ان پر دفعہ 307 کے تحت کیس درج کرنا غلط ہے۔ اتنی سنگین دفعات کے تحت کیس کا بننا غلط پیغام دیتا ہے۔ اس پر حکومت سے کوئی امید نہیں کرتے ہیں کہ وہ انصاف کرے گی۔ہمیں نہ وزارت داخلہ سے، مرکزی حکومت سے نہ ہی دہلی کے لیفٹیننٹ گورنر سے، نہ ہی دہلی کے وزیراعلیٰ سے توقع ہے جو ان موضوعات پر خاموشی اختیارکیے ہوئے ہیں۔پر یہ توقع اور امید ہماری عدالتوں سے ہے کہ وہ آئین کا دفاع کریں گی۔ آئین کی صحیح معنوں میں حفاظت بھارت کی سپریم کورٹ کا مذہب اور فرض ہے۔ اگر شہریوں کے حق پراثرپہنچتا ہے اور انصاف ملنے میں تاخیر ہوئی تو صحیح معنوں میں وہ آئین کو چوٹ پہنچاتی ہے۔آنند شرما نے کہا کہ ہم یہ سپریم کورٹ سے اپیل کرتے ہیں کہ وہ قانونی مقدموں کودیکھے کہ لوگوں پر ایسے مقدمے لگائے گئے ہیں، جن میں ضمانتیں نہیں ملتیں۔کچھ لوگوں کو ضمانت دی نہیں جا رہی ہے۔ ان کی جانچ کرائی جائے۔ اس سے حکومت کی نیت سامنے آئی ہے، حکومت کو کوئی پرواہ نہیں ہے کہ معاشرے کے اندر انتشار اور تصادم نہ ہو۔ حکومت چاہتی ہے ماحول بگڑے۔ حکومت یہ کام حکومت، انتظامیہ اور پولیس کے غلط استعمال سے کر رہی ہے۔
دہلی تشددپر مرکز،دہلی حکومت اورپولیس کارویہ شرمناک:کانگریس
previous post