دہلی کے تعلیمی ماڈل نے تاریخ رقم کردی:کجریوال

نئی دہلی:وزیر اعلی اروند کجریوال نے منگل کے روز کہا کہ دہلی کے تعلیمی ماڈل نے تاریخ رقم کی ہے کیونکہ شہر کے سرکاری اسکولوں کے 98 فیصد طلبہ نے کلاس 12 سی بی ایس ای کا امتحان پاس کیا ہے۔ نائب وزیراعلی منیش سسودیا کے ساتھ ایک آن لائن میڈیا بریفنگ میں وزیر اعلی نے کہا کہ دہلی کے طلبہ نے بورڈ کے امتحانات میں عمدہ کارکردگی کا مظاہرہ کیا ہے۔ کجریوال نے کہا کہ انہیں لگتا ہے کہ 98 فیصد کا نتیجہ ملک کی کسی دوسری ریاست میں نہیں آیا ہوگا۔ انہوں نے یہ بھی ٹویٹ کیاکہ دہلی کے تعلیمی ماڈل نے تاریخ رقم کردی ہے۔ ہمارے سرکاری اسکولوں کے 98 فیصد بچوں نے بارہویں جماعت کے سی بی ایس ای کے امتحانات پاس کئے ہیں۔