کوروناکی نئی لہرکے دوران وزیراعظم کی چارریاستوں میں سات انتخابی ریلیاں ہوں گی

نئی دہلی :
ایک طرف ملک بھرمیں کوروناکی لہرتیزہوئی ہے دوسری طرف لیڈروں کی غیرمحتاط ریلیاں ہورہی ہیں جہاں لاکھوں لوگ جمع ہورہے ہیں۔خودحکمراں جماعت کے لیڈران کی ریلیاں ہورہی ہیں۔سوشل میڈیاپرلوگ سوال کررہے ہیں کہ کیاان ریلیوں کے لیے کورونانہیں ہے۔خودو زیر اعظم نریندر مودی اگلے 36 گھنٹوں میں 5000 کلومیٹرسفرکریں گے۔ وزیر اعظم مودی اس دوران متعدد ریلیوں سے خطاب کریں گے۔ دہلی سے آسام ، آسام سے مغربی بنگال ، مغربی بنگال سے تمل ناڈو ، تمل ناڈوسے کیرالا کے راستے دہلی لوٹیں گے۔ بی جے پی میڈیا سیل کے کنوینر انیل بلوونی نے ٹویٹ کرکے یہ معلومات شیئرکی ہیں۔بلوونی نے ٹویٹ کیاہے کہ دہلی سے آسام ، آسام سے مغربی بنگال ، مغربی بنگال سے تمل ناڈو ، تمل ناڈو سے کیرالہ ۔وزیر اعظم مودی 36 گھنٹوں میں 5000 کلومیٹر سے زیادہ کا سفر طے کریں گے اور چار ریاستوں میں انتخابی مہم چلائیں گے۔ یہ محنت کی انتہا ہے۔