کورونا وائرس:یورپ میں پانچ ہفتوں کے دوران کیسز کی تعداد میں دو گنا اضافہ

لندن:یورپ میں کرونا کیسز کی مجموعی تعداد ایک کروڑ سے تجاوز کر گئی ہے۔یورپ میں گزشتہ پانچ ہفتوں کے دوران کیسز کی تعداد میں دو گنا اضافہ ہوا ہے۔ جان ہاپکنز یونیورسٹی کے اعداد و شمار کے مطابق دنیا بھر میں کرونا وائرس سے ہلاکتوں کی تعداد 12 لاکھ سے تجاوز کر گئی ہے۔ صرف امریکہ میں دو لاکھ 30 ہزار 972 اموات ہوئی ہیں۔پاکستان میں گزشتہ چوبیس گھنٹوں کے دوران 12 اموات اور 1123 کیسز رپورٹ ہوئے ہیں۔ دنیا بھر میں اب تک چار کروڑ 65 لاکھ سے زیادہ کیسز رپورٹ ہو چکے ہیں۔یورپ میں گزشتہ پانچ ہفتوں کے دوران کرونا کیسز میں دو گنا اضافہ ریکارڈ کیا گیا ہے جس کے بعد وہاں کیسز کی مجموعی تعداد ایک کروڑ سے تجاوز کر گئی ہے۔خبر رساں ادارے رائٹرز کے اعداد و شمار کے مطابق یورپ میں تقریباً نو ماہ کے دوران پچاس لاکھ کیسز ریکارڈ کیے گئے جب کہ گزشتہ ایک ماہ میں مزید پچاس لاکھ کیسز سامنے آئے ہیں۔رائٹرز کے اعداد و شمار کے مطابق ایک ہفتے کے دوران یورپ میں 16 لاکھ سے زیادہ کیسز اور 16 ہزار 100 سے زیادہ اموات رپورٹ ہوئی ہیں۔یورپ میں رپورٹ ہونے والے کیسز دنیا بھر میں رپورٹ ہونے والے کیسز کا 22 فی صد بنتے ہیں۔وبائی مرض سے دنیا بھر میں تقریباً 12 لاکھ افراد ہلاک ہو چکے ہیں جس میں سے صرف یورپ میں اب تک دو لاکھ 69 ہزار سے زیادہ اموات ہو چکی ہیں۔کیسز میں مسلسل اضافیکے بعد فرانس، جرمنی اور برطانیہ نے ملک بھر میں ایک ماہ کے لیے لاک ڈاؤن کا اعلان کیا ہے جب کہ پرتگال نے جزوی لاک ڈاؤن اور اسپین اور اٹلی نے پابندیوں میں مزید سختی کی ہے۔

    Leave Your Comment

    Your email address will not be published.*