کانگریس کے قد آور لیڈر احمد پٹیل کا انتقال، سونیا گاندھی، راہل گاندھی اور پی ایم مودی کا اظہارِ تعزیت 

 

نئی دہلی: کانگریس کے قد آور رہنما اور راجیہ سبھا ایم پی احمد پٹیل کا آج صبح ساڑھے تین بجے دہلی کے میدانتا اسپتال میں انتقال ہوگیاـ وہ کچھ دنوں قبل کورونا وائرس سے متاثر ہوگئے تھے اور ان کے جسم کے کئی اعضا نے کام کرنا بند کردیا تھاـ احمد پٹیل کانگریس پارٹی میں غیر معمولی مؤثر کردار نبھاتے تھے اور پارٹی کی پالیسی سازی میں ان کا اہم حصہ ہوتا تھا ـ یہی وجہ ہے کہ ان کے انتقال پر کانگریس پارٹی میں شدید رنج وغم کی لہر دوڑ گئی ہےـ ایسے وقت میں جبکہ کانگریس کو احمد پٹیل جیسے اسٹریٹیجی ساز رہنما کی سخٹ ضرورت تھی ان کا انتقال کانگریس کے لیے بڑا نقصان ہےـ احمد پٹیل کے انتقال پر اظہار غم کرتے ہوئے صدر سونیا گاندھی نے کہا ہے کہ میں نے اپنا وفادار دوست اور معاون کھودیا ہے جن کی پوری زندگی کانگریس کے لیے وقف تھی ـ وہ ہمیشہ مدد کرنے کے لیے تیا رہتے تھےـ پی ایم مودی نے بھی انھیں خراج عقیدت پیش کیا ہےـ انھوں نے ٹوئٹ کیا کہ کانگریس کو مضبوط کرنے میں احمد پٹیل کا کردار ہمیشہ یاد رکھا جائےگاـ راہل گاندھی نے ٹوئٹ کیا کہ احمد پٹیل کانگریس پارٹی کا ستون تھےـ انھوں نے پوری زندگی کانگریس پارٹی کو جیا اور مشکل وقت میں بھی پارٹی کے ساتھ کھڑے رہےـ میں ان کے اہل خانہ سے اظہار تعزیت کرتا ہوں ـ