کانگریس کااسمرتی ایرانی کو جواب،یوگی کو چوڑیاں کب پیش کریں گی؟

نئی دہلی:ہاتھرس کے واقعے پر کانگریس نے مرکزی وزیر اسمرتی ایرانی پر سخت حملہ کیا ہے۔ کانگریس کے جنرل سکریٹری رندیپ سورجے والا نے کہا کہ وہ ہاتھرس کے واقعے کے بعد وزیراعلیٰ آدتیہ ناتھ کوچوڑیاں پیش کرنے کب جارہی ہیں۔اس سے قبل اسمرتی ایرانی نے ہفتہ کے روزراہل گاندھی کے ہاتھرس دورے پر تبصرہ کیا تھا۔ اسمرتی ایرانی نے کہاتھا کہ عوام سمجھتے ہیں کہ راہل گاندھی کا ہاتھرس دورہ سیاست کے لیے ہے انصاف کے لیے نہیں ہے۔اسمرتی ایرانی کے اس ردعمل کے بعد کانگریس کے لیڈر رندیپ سرجے والا نے ٹویٹ کیا اور ان پر حملہ کردیا۔ سرجے والا نے کہا کہ مسز اسمرتی ایرانی ، ذرا بتائیں! آدتیہ ناتھ کوکب چوڑیاں پیش کرنے جائیں گی؟