Home قومی خبریں سینٹرل یونیورسٹیز کی درجہ بندی میں جامعہ ملیہ اسلامیہ کوملا پہلا مقام،جے این یو تیسرے اور اے ایم یو چوتھے نمبر پر

سینٹرل یونیورسٹیز کی درجہ بندی میں جامعہ ملیہ اسلامیہ کوملا پہلا مقام،جے این یو تیسرے اور اے ایم یو چوتھے نمبر پر

by قندیل

نئی دہلی:مرکزی وزارت تعلیم نے سنٹرل یونیورسٹی کی درجہ بندی کی فہرست جاری کردی ہے۔ جس میں جامعہ ملیہ اسلامیہ نے پہلی پوزیشن حاصل کی ہے۔ جامعہ نے 90 فیصد اسکور کے ساتھ رینکنگ میں پہلا نمبر حاصل کیا ہے۔ جامعہ ملیہ نے اس معاملے میں جواہر لال نہرو یونیورسٹی (جے این یو) اور علی گڑھ مسلم یونیورسٹی (اے ایم یو) کو بھی پیچھے چھوڑ دیا ہے۔ جامعہ کے بعد اروناچل پردیش میں واقع راجیو گاندھی یونیورسٹی دوسرے نمبر پر ہے۔ راجیو گاندھی یونیورسٹی نے 83 فیصد اسکور حاصل کیا ہے۔
جواہر لال نہرو یونیورسٹی تیسرے نمبر پر آگئی ہے۔ جے این یو کو 82 فیصد اسکور ملا ہے۔ جبکہ علی گڑھ مسلم یونیورسٹی نے 78 فیصد اسکور کے ساتھ چوتھی پوزیشن حاصل کی ہے۔ بتادیں کہ یونیورسٹیوں کی تشخیص 2019-20 میں طے شدہ ایم او یو کے مطابق کی گئی ہے۔ سنٹرل یونیورسٹی کی درجہ بندی میں تشخیص کئی پیرامیٹرز پر مبنی تھی۔ جس میں مختلف کورسز ،یو جی ، پی جی ، پی ایچ ڈی میں طلبا کی تعداد اور جنسی تناسب بھی شامل ہے۔ اس کے علاوہ کیمپس پلیسمنٹ بھی اس انتخاب کی بنیاد تھی۔ یہ رینکنگ ان طلبا کی بنیاد پر بھی تیار کی جاتی ہے جو نیٹ اور گیٹ امتحان میں کامیابی حاصل کرتے ہیں۔ سنٹرل یونیورسٹیوں میں پہلا مقام حاصل کرنے پر جامعہ ملیہ اسلامیہ کی وائس چانسلر نجمہ اختر نے کہا کہ یہ کارنامہ بہت اہم ہے ، کیوں کہ حالیہ دنوں میں جامعہ ایک مشکل وقت سے گذرا ہے۔ انہوں نے یونیورسٹی کے اعلی معیار کے تدریسی و تحقیقی ماحول کو اس کامیابی کی وجہ قرار دیاہے ۔

You may also like

Leave a Comment