نئی دہلی :دہلی قومی دارالحکومت علاقہ میں پھنسے ملک بھر کے مزدوروں کو یہاں سے نکالنے پر الگ الگ ریاستوں کے وزیراعلیٰ الگ الگ بیان جاری کر رہے ہیں۔ بہار کے وزیراعلیٰ نتیش کمار نے کہا ہے کہ جو مزدور جہاں ہے ابھی وہیں رہیں، کیونکہ ان کے واپس آنے سے انفیکشن کا خطرہ بڑھ سکتا ہے ۔وہیں راجستھان کے وزیراعلیٰ اشوک گہلوت نے ہدایت کی ہے کہ جو بھی مہاجر مزدور جہاں پھنسے ہوئے ہیں انہیں ریاست کی حد تک سرکاری بس سے پہنچایاجائے گا۔ اس دوران وزیر داخلہ امت شاہ نے ریاستوں کے وزرائے اعلیٰ سے بات کی ہے اور ان سے اس وقت مزدوروں کی نقل مکانی روکنے کو کہا ہے۔بتا دیں کہ آج لاک ڈاؤن کا چوتھا دن ہے۔ جمعہ سے ہی دہلی سے ملک کے مختلف ریاستوں میں جانے والی سڑکوں پر مزدوروں کی لمبی قطار لگی ہوئی ہے۔یہ مزدور یہاں سے کسی بھی حالت میں نکلناچاہتے ہیں۔اس کی وجہ سے انفیکشن کا خطرہ ایک بار پھر بڑھتانظرآ رہاہے۔دہلی کے آنند وہار میں بڑی تعداد میں مزدوروں کی بھیڑہے۔ یہ تمام مزدور جلد سے جلد گھر لوٹنا چاہتے ہیں۔ ان کی واپسی کو یقینی بنانے کے لیے سی ایم یوگی آدتیہ ناتھ نے 1000 بسوں کا انتظام کیاہے۔یہ مزدور یوپی کے ایٹہ، اٹاوہ، بلند شہر، بدایوں کی طرف جانے والے ہیں۔سی ایم یوگی نے کہا کہ مزدوروں کو نہ صرف گھر واپس بھیجا جائے گا، بلکہ ان کے کھانے پینے کا انتظام کیاجائے گا۔
امت شاہ نے وزرائے اعلیٰ سےکہا، اس وقت مزدوروں کی نقل مکانی روکی جائے
previous post