اب پی ایم کیئرز فنڈ کا آڈٹ ہوگا،آڈیٹرمقررکیاگیا

نئی دہلی:کانگریس اورترنمول کانگریس جیسی اپوزیشن جماعتیں وزیر اعظم کیئرس فنڈکے بارے میں مسلسل سوالات اٹھاتی رہی ہیں۔ان جماعتوں کا سب سے بڑا اعتراض فنڈکے آڈٹ کے بارے میں رہا ہے۔ لوگوں کی ایک بڑی تعداد نے ملکی مفادمیں وزیر اعظم کیئرس فنڈ میں عطیہ کیا تھا۔وزیراعظم کیئرزفنڈکے بارے میں اپوزیشن کی طرف سے لگائے جانے والے مستقل اعتراضات کے درمیان فنڈ کو آڈٹ کرنے کا راستہ صاف ہوگیاہے۔ فنڈ کے آڈٹ کے لیے ایک آڈیٹربھی مقررکیاگیا ہے۔ یہ معلومات پی ایم کیئرس فنڈ کی ویب سائٹ پر دی گئی ہیں۔ اس کے مطابق،دہلی میں چارٹرڈاکاؤنٹنگ فرم میسرز۔ سارک اینڈ ایسوسی ایٹس کو فنڈکی آڈٹ کرنے کے لیے آڈیٹرمقررکیاگیا ہے۔ اس فرم کو تین سال کے لیے اس فنڈکاآڈیٹر مقرر کیا گیا ہے۔آڈیٹر کے تقرر کا فیصلہ 23 اپریل کو کیرنس فنڈکے ٹرسٹیوں کی میٹنگ میں لیاگیاتھا۔ ہر مالی سال کے اختتام پر پی ایم کیئرس فنڈکاآڈٹ کیاجائے گا۔