Home بین الاقوامی خبریں 2017میں مسجد ابراہیمی 645 بار اذان سے محروم رہی

2017میں مسجد ابراہیمی 645 بار اذان سے محروم رہی

by قندیل

 
الخلیل 2جنوری ( قندیل نیوز)
قابض صہیونی فوج اور پولیس کی جانب سے فلسطین کے مغربی کنارے کے تاریخی شہرالخلیل کی تاریخی جامع مسجد الابراہیمی میں نمازوں کی ادائی اور اذان پرپابندیوں کا ناروا اور غیرقانونی سلسلہ گذشتہ برس بھی بدستور جاری۔ ایک رپورٹ کے مطابق سال 2017ء کے دوران مسجد ابراہیمی کے دروبام645 بار اذان سے محروم رہی۔ ذرائع کے مطابق فلسطینی محکمہ اوقاف ومذہبی امور کی جانب سے جاری کردہ ایک بیان میں بتایا گیا ہے کہ مسجد ابراہیمی میں اذان اور نماز پرصہیونی پابندیوں میں اضافہ ہوچکا ہے۔ گذشتہ ماہ(دسمبر) میں مسجد ابراہیمی میں 53 دفعہ اذان پرپابندی عاید کی۔فلسطینی محکمہ اوقاف کے سربراہ یوسف ادعیس کا کہنا ہے کہ مسجد ابراہیمی میں اذانوں اور نمازوں کی ادائی پرپابندی مذہبی آزادیوں پر راست حملے کے مترادف ہے جس کو قبول نہیں کیا جاسکتا ۔ ان کا کہنا ہے کہ صہیونی غیرقانونی کارروائیاں روز مرہ کی بنیاد پر کررہے ہیں۔ صہیونی حکام کی جانب سے مسجد ابراہیمی میں سیکڑوں باراذان دینے پر پابندی لگائی اور دعویٰ یہ کیا گیا کہ اذان دینے سے یہودیوں کے سکون میں خلل پیدا ہوتا ہے۔

You may also like

Leave a Comment