مسجد حرام: دو سال کے وقفہ کے بعد قرآنی تعلیم کے حلقوں کا دوبارہ آغاز

ریاض:حرمین شریفین کے امور کی جنر پریذیڈنسی کے زیر انتظام مسجد حرام میں ایک بار پھر قرآن کریم کی تعلیم کے حلقوں کا آغاز ہو گیا ہے۔ کرونا کی وبا کے سبب یہ سلسلہ تقریبا دو سال موقوف رہا۔متعلقہ شعبے کے ڈائریکٹر جنرل غازی الذبیانی کے مطابق قرآنی حلقوں کے دوبارہ آغاز کے ساتھ احتیاطی تدابیر پر پوری طرح عمل درامد کیا جا رہا ہے۔ اس کا مقصد حلقوں سے مستفید ہونے والوں کی سلامتی کو یقینی بنانا ہے۔ادھر قرآنی حلقوں کے سربراہ بدر المحامدی نے واضح کیا ہے کہ قرآنی حلقوں کا انعقاد سہ پہر چار بجے سے شام آٹھ بجے تک ہو گا۔ نئی ترتیب کے مطابق ایک حلقے میں 8 سے زیادہ افراد شریک نہیں ہوں گے۔