انقلاب ایوارڈ کیٹگری ’’کفالت و خدمات ‘‘کا نتیجہ ظاہر
گلزار احمد اعظمی سکریٹری قانونی امداد کمیٹی جمعیۃ علماء مہاراشٹر(ارشد مدنی)ایوارڈ سے سرفراز ،
جمعیۃ علماء سے وابستگان اور عام شہریوں میں خوشی کی لہر
ممبئی ۱۷؍ دسمبر (قندیل نیوز)
جمعیۃ علماء ہند کے حلقۂ احباب و کارکنان میں یہ خبر باعث انبساط و مسرت ہوگی کہ روزنامہ انقلاب کی جانب سے رائے شماری کے ذریعہ جناب گلزار احمد اعظمی صاحب کو انقلاب ایوارڈز برائے خدمات و کفالت سے نوازا گیا۔موصوف کو یہ ایوارڈ ان کی دہشت گردی کے الزام میں گرفتار بے گناہ مسلمانوں کے مقدمات کی بہترین وکلاء کے ذریعہ کامیاب پیروی کے اعتراف میں دیا گیا۔
انعامی تقریب میں جناب گلزار احمد اعظمی نے ادارہ انقلاب اور اس کے توسط سے ان ہزاروں محسنین کا شکریہ ادا کیا جنھوں نے اپنی آراء کے ذریعہ عزت بخشی ،نیز روزنامہ انقلاب کے مالک مرحوم عبد الحمید انصاری کو بھی اس موقع پر یاد کیا جن سے ان کے اچھے مراسم تھے ۔
جمعیۃ علماء مہاراشٹر کے حلقہ میں اس اطلاع سے مسرت کی لہر دوڑ گئی ۔مولانا مستقیم احسن اعظمی (صدر جمعیۃعلماء مہاراشٹر)مولانا حلیم اللہ قاسمی (جنرل سکریٹری ) مفتی محمد یوسف قاسمی (خازن )،حافظ مسعود احمد حسامی (نائب صدر ) کے علاوہ سماجی ،سیاسی اورصحافتی میدانوں سے جڑی شخصیات کی جانب سے مسلسل مبارکباد کا سلسلہ جاری ہے،جن میں بطور خاص محمد عارف نسیم خان(ایم ایل اے) ،شکیل رشید خان(ایڈیٹر روزنامہ اردو نیوز ممبئی )، مولانا محمد عارف عمری (ناظم شعبہ نشر و اشاعت جمعیۃ علماء مہاراشٹر) مولا نازین الدین خان(صدر جمعیۃعلماء ساؤتھ ممبئی ) طارق مستقیم شیخ (مدن پورہ)،مفتی ابو ایوب قاسمی ،مولانا عبد الخالق قاسمی، ڈاکٹر انور علی ،جمال خان پٹھان ،محمد شاداب،سراقہ اعظمی ،افضل علی ،خلیل الرحمٰن،سلیم نداف اور جمعیۃ علماء کے وکلاء کی ٹیم ایڈوکیٹ محمد شریف شیخ ،ایڈوکیٹ انصار نثار تنبولی،ایڈوکیٹ شاہد ندیم انصاری وغیرہ کے نام قابل ذکر ہیں
گلزار احمد اعظمی سکریٹری قانونی امداد کمیٹی جمعیۃ علماء مہاراشٹر(ارشد مدنی)ٹرافی سے سرفراز ،
