کینسر جیسا ہے فیک نیوز، اسے سرجری کی ضرورت ہے:سبرامنیم سوامی

نیویارک:11؍اپریل ( قندیل نیوز)
بی جے پی کے سینئر لیڈر سبرامنیم سوامی نے کہا ہے کہ فیک نیوز کینسر جیسا ہو گیا ہے اور اس سے نمٹنے کے لئے سرجری کرنے کی ضرورت ہے۔سوامی کولمبیا بزنس اسکول میں سوامی ساؤتھ ایشیا بزنس ایسوسی ایشن کی طرف سے منعقد 14ویں سالانہ ہندوستانی بزنس کانفرنس سے خطاب کرنے کے لئے شہر آئے تھے۔انہوں نے بتایا کہ فیک نیوز ایک طرح کا کینسر بن گیا ہے اور ہمیں کچھ طرح کی سرجری کرنی ہے۔ایک جمہوری ملک میں آئین کی طرف سے دی جانے والی اظہار رائے کی آزادی اور فراہم کردہ روک ٹوک کے درمیان توازن ہونا چاہئے۔یہیں لکھیر کھینچنا حکومتوں کے لئے ایک بڑا مسئلہ بن گیاہے۔انہوں نے کہا کہ میڈیا اب صحیح معنوں میں ماس میڈیا بن گیا ہے۔سائبر دنیا نے فوری خبریں حاصل کرنا ممکن بنا دیا ہے لیکن تیزی سے پھیلنے والی متضاد معلومات پر نظر رکھ پانا بہت مشکل ہے۔سوامی نے حال ہی میں اطلاعات و نشریات کی وزارت کے صلاح ومشورے کا بھی حوالہ دیا جس میں کہا گیا تھا کہ اگر اس کی تصدیق ہو جاتی ہے کہ انہوں نے غلط خبریں دی ہے تو ان کی منظوری منسوخ ہو جائے گی۔اس ہدایات کو بعد میں واپس لے لیا گیا تھا۔سوامی نے کہا کہ وزیر اعظم نریندر مودی نے صحیح ذکر کیا کہ اس سلسلے میں فیصلہ کرنے کا حق پہلے ہی ہندوستانی پریس کونسل کو دیا گیا ہے۔انہوں نے کہا کہ میڈیا میں مقابلہ کافی اعلیٰ سطح پر پہنچ گیا ہے۔انہوں نے کہا کہ انہیں نہیں لگتا ہے کہ صحافی منفی سوچ کی وجہ سے فیک نیوز چلاتے ہیں بلکہ وہ ایک سیاستدان کے دشمنوں کے اشارے پر سیاستدان کو بدنام کرنے کے لئے اسے ایک صحیح خبر کے طور پر پیش کرنے کے لیے حوصلہ افزائی ہوتے ہیں۔سوامی نے کہا کہ فیک اور غلط خبروں سے نجات پانے کے لیے صحیح طریقے سے نمٹاجاناچاہیے۔