Home اسپورٹس ٹی -20میں 800چھکے لگانے والے پہلے بلے باز بنے کرس گیل

ٹی -20میں 800چھکے لگانے والے پہلے بلے باز بنے کرس گیل

by قندیل

ٹی -20میں 800چھکے لگانے والے پہلے بلے باز بنے کرس گیل      
                                                                                                                                               (نئی دہلی ، 09؍دسمبر (قندیل نیوز
اپنی دھماکہ خیز بلے بازی کے لیے مشہور کرس گیل کرکٹ کے سب سے چھوٹے فارمیٹ ٹی -20میں 800 چھکے لگانے والے دنیا کے پہلے بلے باز بن گئے ہیں۔ویسٹ انڈیز کے بائیں ہاتھ کے اس بلے باز نے بنگلہ دیش پریمیئر لیگ کے ڈھاکہ میں کھیلے گئے میچ میں رنگاپور رائیڈرز کی جانب سے ناقابل شکست 126 رنز کی اننگز کے دوران یہ کامیابی حاصل کی۔انہوں نے اپنی 51 گیندوں کی اننگز میں چھ چوکے اور 14چھکے لگائے۔گیل کے نام پر اب 318ٹی -20 میچوں میں 801 چھکے درج ہیں۔ان میں سے 103چھکے انہوں نے ٹی -20 بین الاقوامی کرکٹ میں لگائے ہیں۔ٹی -20 میں سب سے زیادہ چھکے لگانے والے بلے بازوں کی فہرست میں گیل کے بعد ویسٹ انڈیز کے ہی کیرین پولارڈ( 506)، نیوزی لینڈ کے برینڈن میک کولم( 408)، ویسٹ انڈیز کے ڈیون اسمتھ( 351) اور آسٹریلیا کے ڈیوڈ وارنر( 314) کا نمبر آتا ہے

You may also like

Leave a Comment