مودی نے گجراتیوں کودھوکہ دیا
منموہن سنگھ نے پی ایم کونوٹ بندی پرکھلی بحث اورامت شاہ کے بیٹے پرکارروائی کاچیلنج کیا
(راجکوٹ ، 8 ؍دسمبر (قندیل نیوز
منموہن سنگھ نے پی ایم کونوٹ بندی پرکھلی بحث اورامت شاہ کے بیٹے پرکارروائی کاچیلنج کیا
(راجکوٹ ، 8 ؍دسمبر (قندیل نیوز
سابق وزیراعظم اور سینئر کانگریس رہنما اور مشہور ماہر اقتصادیات من موہن سنگھ نے آج مرکزی حکومت کی اقتصادی پالیسیوں خصوصاً نوٹوں کی منسوخی اور جی ایس ٹی کو نافذ کرنے کے طریقے کی سخت تنقید کرتے ہوئے وزیراعظم نریندر مودی پر گجراتیوں کے بھروسے کو توڑنے اور انہیں دھوکہ دینے کا الزام لگایا۔انہوں نے نوٹوں کی منسوخی سے منسلک سرکاری دستاویزوں کوپارلیمنٹ کے آئندہ اجلاس میں ایوان میں پیش کرنے اور ان پر کھلی بحث کا بھی مطالبہ کیا تاکہ اس کی حقیقت عوام جان سکے۔ڈاکٹر سنگھ نے یہ بھی کہا کہ ان کی یوپی اے حکومت کے دوران بدعنوانی کے ملزمین پر سخت کارروائی ہوتی تھی اور اگر مودی جی بھی بدعنوانی پر لگام لگانے کے دعوے کرتے ہیں تو انہیں بی جے پی صدر امت شاہ کے بیٹے کی کمپنی پرلگے الزامات سمیت دیگر الزامات کی جانچ کرانی چاہئے۔
