حسیب الرحمٰن شائق
پھرپلٹ آئیں گےروشن دیکھناادوار بھی
صورتِ گفتار ہوجائے اگر کردار بھی
یوں تو رہتا ہے مرے وہ درپئےآزار بھی
گاہے گاہے کرتا رہتاہے مگر بیدار بھی
بزمِ مئےکاتووہی دستورہےاب بھی مگر
نہ تووہ ساقی رہا اب نہ وہ بادہ خوار بھی
ہوگیا بچہ جواں, یارو! جواں بوڑھا ہوا
کرگئی حیرت زدہ یہ وقت کی رفتار بھی
کب تلک سوتا رہےگا خوابِ غفلت میں بتا
اب خدا را اےمسلماں! ہو توجا بیدار بھی
اےحسیب اب ایک سجدہ اورہوناچاہیئے
کہ خدا اک اور ہے یہ درہم و دینار بھی
