تازہ ترین، سلسلہ 88
فضیل احمد ناصری
مرکزِ علم و عمل تھی درس گاہِ مصطفیٰ
دل کو چمکاتی تھی ہر دم کارگاہِ مصطفیٰ
روسیاہوں کو تجلی گاہ کر کے رکھ دیا
کیمیا گر کس قدر تھی خانقاہِ مصطفیٰ
کامرانی کی ضمانت ہے یہی دارین میں
نقشِ راہِ زندگی ہے، نقشِ راہِ مصطفیٰ
مل نہ پایا انکےدیوانوں کوپھر ویساسکوں
بڑھ کے تھی آغوشِ مادر سے پناہِ مصطفیٰ
کوئی بداندیش کیا نقصان پہونچاتا انہیں
فاطرِ ہستی رہا جب سربراہِ مصطفیٰ
جس کودیکھا اک نظر،اسکا نصیبہ کھل گیا
عظمتِ تاثیر سے پر تھی نگاہِ مصطفیٰ
آدمی تو آدمی، جن و مَلَک بھی تھے نثار
اک مثالی تھی جہاں میں بارگاہِ مصطفیٰ
نفس کا حربہ وہاں ناکامیاں لکھتا رہا
اس قدر سچے فدائی تھے سپاہِ مصطفیٰ
حکمِ ربانی بھی ہے، فرمودۂ پیغمبری
انتبــــــــاہِ ذاتِ حق ہے انتباہِ مصطفیٰ
